अक्रोडची समई

Submitted by जागू-प्राजक्ता-... on 22 January, 2013 - 23:41

साहित्यः
९ अक्रोड
फेव्हीकॉल किंवा फेव्हीस्टीक
बेस साठी गोल पुठ्ठा किंवा थर्माकोल
ग्लिटर
सुरी

कृती:
चार अक्रोड अख्खेच ठेऊन पाच अक्रोड बरोबर मधून काढून घ्या. त्यातील गर सुरीने काढून वाट्या करुन घ्या. (मधला खाऊ मुलांना देऊन किंवा तुम्ही खाऊन फस्त करुन टाका :स्मित:)

पुठ्ठ्यावर किंवा थर्माकोलवर एक अख्खा अक्रोड फेव्हीकॉलने चिकटवा व त्याच्या बाजूने फुलाप्रमाणे अक्रोडच्या ५ कापलेल्या वाट्या उपड्या चिकटवून घ्या.

आता मधाल्या अक्रोडवर दोन अख्खे अक्रोड एकावर एक चिकटवून घ्या. ह्यात मी फेव्हीकॉल व फेव्हीस्टीक दोन्हीची चिकटण्यासाठी मदत घेतली.

फेव्हीकॉल सुकत आला, अक्रोड चांगले चिकटले की वरच्या अक्रोडवर आधी फेव्हीस्टीक व अजुन मजबूत राहण्यासाठी फेव्हीकॉल वापरुन वाट्या वरती तोंड करुन चिकटवाव्यात. हे जरा जिकरीचे काम असते. वाट्या चिकटवताना खाली चिकटवलेल्या वाटीच्या समांतरच वरची वाटी येऊ द्यावी.

हया वाट्या व्यवस्थीत चिकटल्या की मग ह्या वाट्यांच्या मध्यभागी एक अख्खा अक्रोड टोकदार बाजू वर येईल अशा दिशेने उभा चिकटवावा.

आता झाली समई तयार.

अशीच समईही सुंदर दिसते. पण अजुन सुशोभीत करायची असेल तर बेसला व पुर्ण समाईला थोडा थोडा फेव्हीकॉल लावून समईला गोल्डन ग्लिटर व बेसला वेगळा रंगाचा ग्लिटर चिकटवा. आयत्यावेळी वातीही ठेवू शकता. पण पेटवू नका (:हाहा:)

टिप:

ही समई मी नणंदेच्या रुखवतीत ठेवण्यासाठी अगदी लग्नाच्या आदल्या दिवशी केली. त्यामुळे घाई झाल्याने बेसला एवढे फिनिशिंग नाही देता आले. पण पुठ्ठा घेतला तर काही प्रॉब्लेम नाही. पुर्ण समई मी तयार केली व ग्लिटर माझ्या नणंदांनी लावले. अजुन काही प्रकार केले ते हळू हळू देतेच. मागे मी रुखवतीचा धागा काढला होता त्यात ह्याच्या लिंक्स टाकते. व पुर्ण रुखवतीचे फोटोही त्यात टाकते.

रुखवतीची लिंक - http://www.maayboli.com/node/39399?page=1#new

विषय: 
शब्दखुणा: 
Group content visibility: 
Public - accessible to all site users

अत्त्त्त्त्त्त्त्तिशय सुंदर जागुताई...खुपच आवडली. ती न रंगवताच खुप गोड दिसतेय.

एक सहजच सुचवते. रंग द्यायचा असेल ना, असं रुखवतात वगैरे ठेवण्यासाठी तर मेटॅलिक कलर्स ने आधी रंगवून मग चिकटवा. कॉपर आणि सोनेरी रंगसंगती खुप उठून दिसेल.

सृष्टी, रावी, मोनाल, माधवी, शोभा, निरजा, दिनेशदा, श्रूती, शशांक, मामी, सुखदा, विनया, जाई, नलिनी, जयवी, साती चिन्नु, अश्विनीमामी, रोहन, अंशा धन्यवाद.
इब्लिस Lol हे मात्र खरे आहे.

वर्षू ताई अग चालेल पण पेटवता नाही ना येणार. अक्रोड्ची टरफल जळतील. सातीची आयडीया चांगली आहे. दिव्याची माळ पेटवूही शकतो.

अवल अग रुखवतीचा धागा बघ त्यात टाकले आहे.

श्रद्धा धन्यवाद मला अशा सुचना हव्याच आहेत. अशीच आता मला माझ्या मैत्रीणीने करुन मागीतली आहे समई. तिला तुझ्या सल्ल्याप्रमाणे देते.

मी बनवण्याचा प्रयत्न केलेला पण ते अक्रोठ एकमेकांना चिकटले च नाही फेविस्टिक आणि फेविकाल ने, मधले अक्रोठ जे उभे लावायचे होते

Pages