उशिरा सांगितलेस नशीबा...
=====
उशिरा सांगितलेस नशीबा, पण आभारी आहे
मीच मनोव्यापारी केवळ... जग व्यवहारी आहे
नकोस येऊ सध्या येथे, अडकशील नाहक तू
मनात दुखऱ्या हृदयांची त्रासिक रहदारी आहे
तसे म्हणायाचे तर कोणी इथे आपले नाही
तसे म्हणायाचे तर अपुली दुनिया सारी आहे
तू असतानाच्या जगण्याचा स्वाद निराळा होता
तू नसताना जगण्याचीही लज्जत न्यारी आहे
कुणी जरासा बरा वागला तरी वाटते हल्ली
किती फसवतो आहे साला, काय हुशारी आहे
कोण भेटते आजकाल हे समजत नाही काही
स्वार्थी सरडा आहे की तो साप विषारी आहे
अर्थ खरा जाणवला मजला, डोळस असल्याने मी
तो आहे धृतराष्ट्र तिचा अन ती गांधारी आहे
एक इंचही पुढे न येतो भक्तांच्या भेटीला
अशा विठूच्या दर्शनास दरवर्षी वारी आहे
तिची शेकडो दीर्घ मीलने, आठवतोस कशाला
'बेफिकीर' हो, ही सध्याची दुनियादारी आहे
-'बेफिकीर'!
सुंदर !!
सुंदर !!
खूप छान शब्दरचना!!
खूप छान शब्दरचना!!
सुंदर लिखाण बेफिजी नवीन
सुंदर लिखाण बेफिजी नवीन वर्षाचे हार्दिक शुभेचा
सुपर्ब लिहिले आहे !!
सुपर्ब लिहिले आहे !!
खूप आवडले.
खूप आवडले.
जबरदस्त!
जबरदस्त!
खुप छान
खुप छान घेणं
चुकुन घेण असं लिहिलं गेलं.
चुकुन घेण असं लिहिलं गेलं.
खुप दिवसांनी भारी !
खुप दिवसांनी
भारी !
छान
छान
सुरेख गझल.... मतला,,वारी,
सुरेख गझल.... मतला, वारी, रहदारी विशेष.
- कुमार
व्वा
व्वा
mast
mast