Submitted by _आदित्य_ on 11 May, 2021 - 14:15
तयाची ही ओढ | नित्य सतावते |
सुख ही सुखावते | जया ठायी ||
पीडितांचे भाग्य | उजळूनी यावे |
आनंदे निमावे | चरणात ||
सरणावरती | होई तुझा भास |
शेवटचे श्वास | मोजताना ||
जग विसरून | तुझ्यापाशी आलो |
तुझा भाग झालो | रामराया ||
प्रेमभावे राम | ह्रदयी धरला |
अंधार सरला | तया ठायी ||
अर्थ जीवनाचा | सहज कळला |
अवघा ढळला | मायापाश ||
रामनामे आला | आनंदाचा पूर |
चित्त त्याच्यावर | स्थिरावले ||
उरले सुरले | द्वैत सरू गेले |
मन भरू आले | कारुण्याने ||
देह अनावर | नाचू लागे असा |
आवरावा कसा | सांग रामा ||
अवघा रामाच्या | नामात गोडवा |
अनुदिनी नवा | अनुभव ||
- आदित्य
विषय:
Groups audience:
Group content visibility:
Use group defaults
शेअर करा
सुंदर रचना..!!
सुंदर रचना..!!
धन्यवाद !
धन्यवाद !