झी-मराठी : येऊ कशी तशी मी नांदायला

क्रीएटीव्ह टीम 'नवर्‍याच्या बायको' चीच आहे; त्यामुळे तीच क्रीएटीव्हीटी आहे ! फूड इंडस्ट्री, प्रेझेंटेशन, प्रॉडक्ट ची चव, आणि त्यात नायिकेचा पडलेला उजेड !!

काल रेशीमगाठीची जाहिरात करत होते का. सकारात्मक की नकारात्मक. स्वीटू दिसायला ईतकी वाईट आहे का की तिला कमी शिकलेले आणि वयाने बरेच मोठे पसंत करतील. त्या माणसाने सांगितले की त्याचे लग्न झालेले नाही तर स्वीटूला इतका राग का आला. ओम सारखाच मुलगा हवाय का तिला. मालिकेत इकडचं टोक नाहीतर तिकडचं. तो माणूस त्या फायली बघून स्वतःचं लग्न का नाही जमवत.

ओम, तायडी प्रेझेंटेशनला नुसतेच बसलेले असतात स्वीटूच सगळं करते आणि हमेशा कंपनीला कॉन्ट्रॅक्ट मिळवून दिते.
ते लोक पण स्वीटू नावाने ओळखतात तिला आणि तिने त्या लोकांबरोबर काम करावं हा अट्टाहास करतात. सगळंच अनाकलनीय आहे.

आता आपण तरी किती अपेक्षा करू शकतो... साळव्यांना २ वेळचं पोटभर खायला मिळतंय.. नलूच्या ३०० चपात्यांचा रोज पुन्हा सुरू झाला.. बाबा साळव्यांना पण नोकरी लागली.. माठ काकाने अजुन एखादी चांगली पँट कापून तिच्या २ हाप पँट करण्यासारखा दुसरा एखादा निर्बुद्ध प्रयत्न पुन्हा केला नाही.. माठ काकीचा दमा गेले महिनाभर तरी चांगलाच निवलाय.. महामाठ चिन्याने पैशांची नवीन लफडी पुन्हा तरी वाढवली नाहीत.. कसं का होईना पण स्विटू पुन्हा ऑफिसला जायला लागली.. ओम्याचं प्रकरण शकूपर्यंत पोचलं अन रॉकीही मदतीला तयार झाला.. तायडीने पण सगळी भडास हंबरणाथमधे येऊन ओकली... एकंदरीत बरंच बरं चाललंय म्हणायचं...!

ते मिस्टर साळवी झालेले "जय मल्हार" मधले बानूचे बाबा आहेत का? >>>> बाबा साळवी म्हणजे शरद पोंक्शे ना?
चहयेद्या बघायचा प्रयत्न केला . वैताग आला . काहि निवडक जोक्स वगळता आनंदच होता .
कुशल , सागर आणि श्रेया मस्त वाटले .
शाल्व मस्तच दिसतो .

बाबा साळवी म्हणजे शरद पोंक्शे ना?>> नाही. निलेश साबळेनी बरीच मिनिटं खर्ची घातली त्यांच्या चांगुलपणावर.

बाबा साळवी म्हणजे शरद पोंक्शे ना? >>> उदय साळवी

_गार्गी_ : धन्स फॉर करेक्टिंग मी

कुशल , सागर आणि श्रेया मस्त वाटले . >>>>>>> अगदी अगदी. श्रेयाला कुठलाही रोल द्या, परफेक्ट करते. ऑफ स्क्रीन मात्र ती ( मुलाखत असो किव्व अ‍ॅवॉर्ड शो) विद्या बालनच्या चालण्या बोलण्याची नक्कल करते. बर्याचवेळा ऑबझर्व केलय हे. त्या सपट परिवार का कुठल्याश्या चहाच्या एडमध्ये हे आणखीनच स्पष्टपणे जाणवल. निखिल साबळेने सुद्दा छान काम केल.

श्रेया मुलाखत किंवा अवॉर्ड शोला नेहेमी साडी नेसते. छान वाटतं बघायला. मराठीतली विद्या बालन
झी पाच वर बघायचे आहे च ह ये द्या पण जाहिराती खूप असतात. जाहिराती टाळण्यासाठी काही उपाय आहे का.

झी मराठी चं सबस्क्रिप्शन नाहीये. सहज म्हणून हा धागा एकदा उघडला. डीजे आणि काही आयडी मस्त पिसं काढतात ते वाचायला इथे येते.
स्वजो त्या फालतु जोक्स वर खोट खोट हसतो>> अगदी अगदी, हे मी तुनळीवर दिसेल तेवढे बघितले. ते कलाकार पण इतके खो खो कसे हसतात कुणास ठाऊक.

ते कलाकार पण इतके खो खो कसे हसतात कुणास ठाऊक.

>>>>>>
एकच व्हिडिओ पुन्हा पुन्हा दाखवतात.

आणि बुधवारच्या प्रहसना वेळी समोर कोणच बसलेले नसते.

तायडी ओम्याच्या नकळत त्याचे ठिगळं लावलेला ड्रेस घातलेल्या मोमो सोबत फोटोशुट करवून घेते(निर्मात्यांना मानलं पाहिजे... एकही वाढीव कॅरेक्टर न घेता फोटोशूट उरकल) अन प्रिंट मिडियात छपवून पण आणते. नेमका तो पेपर माठ साळवी काकांच्या हाती पडतो अन ते नेहमीच्या बावळटपणाचा कहर करत आक्ख्या चाळीला सांगत घरात दाखवायला घेऊन येतात. तो फोटो पाहून स्विटूच्या डोळ्यात पाणी येतं(हे पाहून आपण सुटकेचा नि:श्वास टाकतो म्हणा..!) अन ती ओम्याला फोन लावते.

तिकडे व्हिलातल्या किंगसाईज बेडवर ओम्या अनाकोंडा सारखा पसरलेला असतो.. तेव्हाच स्विटूचा फोन येतो.. अन त्याला बेड टी सोबत आलेल्या पेपर वर मोमो सोबत फोटो दिसतो. दिवस्भर त्याची चिडचिड होते अन त्याचा फटका ऑफिसमधल्या कर्मचार्‍यांनासुद्धा बसतो. शेवटी रॉकी येऊन ओम्याला समजावतो अन ऑफिसमधे अडकलेल्या कर्मचार्‍यांची त्या दिवसापुरती तरी सुटका करतो.

<<<तायडी ओम्याच्या नकळत त्याचे ठिगळं लावलेला ड्रेस घातलेल्या मोमो सोबत फोटोशुट करवून घेते(निर्मात्यांना मानलं पाहिजे... एकही वाढीव कॅरेक्टर न घेता फोटोशूट उरकल
>> <असे नाहीये, त्याला माहित होते की ताईने त्याचे अन मोमोचे लग्न ठरवले म्हणून फोटोशूट होतोय

नकळत फॉटॉशुट म्हणजे आहे त्याच कपड्यात असं म्हणायचं हों मला

एबीपी माझा वर व्हेलन्टाईन डे स्पेशल मध्ये हे दोघे आणि सागर कारण्डे- श्वेता शिन्दे ( डॉक्टर डॉन) आले होते. त्यात शाल्वने तो २० वर्षाचा आहे अस सान्गितल आणि अन्विता १८ वर्षाची आहे म्हणे! खखोदेजा.

असेल असेल म्हणा ते त्या वयांचे............ पण दिसताना मात्र ओम्या २५-२६ चा अन स्विटू २४ ची आहे म्हणे (बाबा साळव्यांनी काल सांगितलं)

ओम वाटतो पंचवीशीचा पण स्वीटू 30 ची वाटते मलातरी, रादर थोडी जास्तच

तशी मोठीच वाटते म्हणा स्विटू ओमपेक्षा... पण असं असलं तरी बरं दिसतात दोघे रॉकी अन तायडीपेक्षा.

बाबा नाव नोंदवायला गेलेले तेव्हा म्हणाले स्वीटू 22 ची आहे

Oh.. २२ म्हणाले का.. मला २४ वाटलं

ओम स्विटू चं भारी गूळपीठ जमू लागलंय आता.. स्विटूचं लग्न जमावं म्हणुन नलूच्या ओळखीतल्या वहिनीला स्विटूचे फोटो पण दिलेत. वहिनीने नलूला सांगितले आहे की स्विटूला १६ की १७ शनिवार उपास करायला म्हणजे मग योग्य स्थळ मिळून लवकर लग्न जमेल. आज पहिला शनिवार झाला.

ओमला आणि स्विटूला भेटता यावं म्हणुन रॉकी प्रयत्न करत असतो पण काही योग जुळत नसतो. १७ शनिवार करायला सांगितले हे स्विटूकडून मोमोला समजते अन बहुतेक तिच्याकडून ओमला. मग ओम पण शनिवार करायचं ठरवतो अन ऑफिस मधून घरी जात असताना तो एका फळविक्याला बघतो जो ७० रुपये किलोने सफरचंदे विकत असतो ते बघून ओम्याला एक शक्कल सुचते. तो फळविक्याचा अवतार घेऊन २० रुपये किलोने सफरचंद विकत नलूच्या घरी येतो. भाव ऐकुन नलु लगेच बाहेर येऊन ओम्याकडून सफरचंदं घेऊ लागते (ओमला ती ओळखू शकत नाही.. अर्थात साळवी असल्यामुळे..!!) अन स्विटूलाही बोलावते. तिला बघून ओम्या तिला नलूच्या नकळात गोड जबरदस्तीने सफरचंद खायला लावतो (भारी जमलाय सीन.. इश्श..!).

असा गोड गुलाबी सीन संपल्यावर माठ काका-काकूचा सीन..! बाबा साळवी हॉलमधे झोपलेले असतात अन ती माठ काकू खिडकीच्या खाली काहीतरी उसवलेलं शिवत बसलेली असते. माठ काका येरझर्‍या घालत असतो ते तिला खपत नाही. खिडकीच्या बाजुला बसुनही माठपणामुळे तिला असं वाटत असतं की काकाच्या येरझर्‍या घालण्याने तिच्या शिवणकामात उजेड पडेनासा झालाय (बाई गं आधी थोडा बुद्धीचा उजेड पण पाड..!!). मग नेहमीप्रमाणे कशासाठीही इश्श इश्श करून महामाठ काकूचा सीन संपतो. माठ काका नेहमीप्रमाणे माठपणाचा प्रचंड प्रकाश पाडत बाबा साळव्यांचा नाईट ड्युटीचा ड्रेस हा हॉस्पिटल मधे घालण्याचा ड्रेस आहे असं समजून बाबा साळव्याला मदत म्हणून तो ड्रेस घेऊन हॉस्पिटल मधे जातो (असल्या माठ माणसांना लेखक कोमात का पाठवत नाहीत काय माहीत.. ..!!)

त्या न्यायाने मग सर्वात आधी लेखकच कोमात जायला हवा

स्वीटू 22 ची आहे >>> फक्त? मग काय एवढी लग्नाची घाई आहे

अहो, बघे करेपर्यंत २-३ वर्षं जातातच. साळव्यांनी वेळेत सुरुवात केली आहे पण त्यांना ओम्या सारखा जावई शोधुनही सापडणार नाही.

आता क्काय गंमत होणारै मैतै का....

आता क्काय गंमत होणारै मैतै का.... >>
तुम्ही काहीतरी भारी लिहा बरं इथे ...झी मराठी चे आय डी पण इथे लपुन छपुन वावरत असतात म्हणे.....ते इथुन आयडीया शोधुन पुढच्या एपिसोड मधे दाखवतात.
मागे पण काही जुन्या सिरीअल ला हा अनुभव आला आहे..
तुम्ही काहीतरी भारी आयड्या द्या. काही चांगलं पहायला मिळेल

अहो, तसं काही लिहियाचं नव्हतं.. फक्त पुढे काय होणार आहे ते प्रोमो मधे दाखवत आहेत हे बघुन गंमत वाटली.
--------------------------------------
शकू ओम्याला अन रॉकीला घेऊन कुठल्याशा गुरुजींकडे जाताना दाखवली आहे. ती शकूला गाडीतुनच फोन करते अन ओम्याची पत्रीका बघायला गुरुजींकडे जाते असं नलूला सांगते शिवाय स्विटूची पत्रिका घेऊन लगेच निघ अन गुरुजींकडे पोच असं सांगते. ते ऐकून बावचळलेली नलू नेहमीप्रमाणे ओठाला बोटं लाऊन काळजीत पडल्यासारखी पेटंट अ‍ॅक्टिंग करत गुर्जींकडे पोचते. तिथं गेल्यावर गुर्जी ओम्या अन स्विटूची पत्रिका बघतात अन एक्मेकांसाठी फारच पूरक पत्रिका आहेत असं सांगतात. आता या दोघांचं लग्न लागणं किती सहाजिक होईल असं वाटून शिरेल संपते की काय असं आपणाला वाटतं (हे तर पहिले -४-५ भागांपासूनच वाटतंय.. पण मी आधी सांगितल्याप्रमाणे आजच्या भागात उद्याच्या भागाची बिजं रोपण्यात शिरेल वाले यशस्वी होत आहेत असंच दिसतंय..!). बघु.. आता दळभद्री नली कुठलं कारण देऊन गुर्जीला तोंडघशी पाडते ते..!!

साळवी अगदी लाचारच दिसायला पाहिजेत का. तो गेट पटकन न उघडण्याचा सीन किती वेळा झालाय आणि प्रत्येकवेळी तेव्हडीच लाचारी. सगळीच माणसं अशी उद्धट असतात का जी गेट नाही पटकन उघडलं म्हणून ओरडतात आणि नोकरीवरून काढायची धमकी देतात. साळवी पण काही कमी नाहीत. कितीही अपमान झाला तरी त्याच चुका परत करणार, तीच नोकरी करणार आणि आहे त्या परिस्थितीत आनंद मानणार. अजून एक प्रोमो बघितला ज्यात झोपाळ्यावर बसून स्वीटू ओमला सांगत असते की मला इथे अगदी आपलेपणा वाटतो तायडी जो घसा फोडून येता जाता अपमान करत असते तो सगळा वायाच जातो म्हणायचा.

हो ना.. अगदी अगदी.
साळव्यांसारखं स्थळ खानविलकरांना अन खानविलकरांसारखं स्थळ साळव्यांना मिळणं दुरापास्त आहे.. दोन्हिकडचे एकमेकांसाठीच जन्माला आलेत की काय असं वाटत रहातं. ओम्या-स्विटूचं लग्न झालं की लगेहात रॉकी-मोमोचं अन तायडा-मोहितचं लग्न लावायला हवं.. म्हण्जे नलू-शकू तीर्थयात्रेला जायला मोकळ्या.. म्हणजे बाबा साळवी अन बाबा खानविलकर दोघे मिळून दिवाणखाण्यात रंगीत सरबत अन चकणा खाताना गप्पा मारत बसलेले दिसतील.