Submitted by सप्रसाद on 28 February, 2021 - 02:34
तो गोकुळ सोडुन गेला
वाटते लौकिकार्थाने
येथेच बासरी त्याची
येथेच राहिले गाणे
विरहाची भक्ती सोपी
सारखी आठवण येते
वेदना जेवढी उत्कट
आनंद तेवढा देते
मी स्वतःस विसरुन जाते
तेव्हा तो येथे येतो
मी भानावर आले की
तो पुन्हा नाहिसा होतो
तो येथे आणत नाही
कुठल्या युद्धाची धूळ
ती तशीच वाजत असते
मुरलीची मंजुळ धून
एकरूप झाली ह्रदये
मग कसली ताटातूट?
तो आहे अथवा नाही
हे देहापुरते द्वैत
लोकांनी केले प्रश्न
पण राधेला हे कळते
दैवी अवतारालाही
देहाचे बंधन असते
https://kulkarnibhushan.wordpress.com/2021/02/14/dehache-bandhan/
विषय:
Groups audience:
Group content visibility:
Use group defaults
शेअर करा
क्या बात!! छानच
क्या बात!! छानच