कुणाचे दुःख डोळ्यातून माझ्या वाहते आहे

Submitted by द्वैत on 20 October, 2020 - 08:14

कुणाचे दुःख डोळ्यातून माझ्या वाहते आहे

कुणाचे दुःख डोळ्यातून माझ्या वाहते आहे
कुणाच्या आठवांनी रात्र सारी जागते आहे

तसा माझा तिचा संवाद आता राहिला कोठे?
तसे ही केवडा आता कुठे ती माळते आहे

कळेना नेमका वाटेत हा मुक्काम का आला
रडावे वाटते तेथे हसावे लागते आहे

मला आभास दे थोडेतरी निस्वार्थ प्रेमाचे
नव्याने एकदा पुन्हा जगावे वाटते आहे

नको शोधूस तू कुठला बहाणा थांबण्यासाठी
जरी पाऊल ह्या वाटेवरी रेंगाळते आहे

द्वैत

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

छान

Submitted by किमयागार on 20 October, 2020 - 10:20