वडाभोवताली कशाला फिरू मी

Submitted by सुप्रिया जाधव. on 23 August, 2020 - 23:37

त्रिलोकी विहरते अमर पाखरू मी
तुझ्या मर्त्य देही किती वावरू मी ?

नको हात घेऊस हातात माझा
अताशा कुठे लागले सावरू मी

किती काळ दुस्वास करशील इच्छे ?
लुचू दे सडान्ना तुझे वासरू मी

मनाचा किनाराच उध्वस्त करते
त्सुनामी स्मृतींची कशी आवरू मी

तुझे वीर्य पण उदर-संस्कार माझे
तुझे नांव-अडनांव का वापरू मी?

नजर भिडवते मीच नजरेस माझ्या
कशाला उगाचच तुला घाबरू मी ?

स्वतःभोवती घेतली एक गिरकी
वडाभोवताली कशाला फिरू मी

सुप्रिया मिलिंद जाधव

विषय: 
लेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

वाह
कमाल
शेवटचा शेर विशेष आवडला

Submitted by किल्ली on 24 August, 2020 - 02:02

मस्त.
नजर भिडवते मीच नजरेस माझ्या.. वाहवा !
खरेच जर आपण आपल्या मनाशी प्रामाणिक असलो, तर बाकी कुणाची पर्वा करण्याची गरजच काय? तीच सर्वात मोठी कसोटी आहे ना, आपण योग्य मार्गांवर असल्याची !मला सर्वात जास्त आवडला हा शेर.

Submitted by नादिशा on 28 August, 2020 - 10:28