देह दिसतो मात्र कपड्याआतला

Submitted by सुप्रिया जाधव. on 25 June, 2020 - 23:38

काफिला गावाकडे जो चालला
पोचता, शहरास परतून लावला

अपयशावर आत्महत्या तोडगा ?
खेचतो ना उंच जाणारा झुला ?

भिंगरी स्थैर्यास होती बांधली
थांबल्यावरती गवसले मी मला

आपल्यांची फक्त होती वानवा
लॉकडाउनने उमगला मामला

शस्त्र नाही, रक्त नाही, युद्धही !
शांततेने डाव आहे साधला

वस्त्र विरहित मन कुठे कळते तुला ?
देह दिसतो मात्र कपड्याआतला

सुप्रिया मिलिंद जाधव

विषय: 
Group content visibility: 
Public - accessible to all site users

व्वाह!!!
खुपच छान वस्तुस्थिति मांडलिये