मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सुप्रिया जाधव. on 8 May, 2020 - 13:19
कर्तव्याला निष्ठेमध्ये गुंफत आले
मी माझ्या जगण्याचे अत्तर शिंपत आले
म्हणालास की तुझाच आहे तुझाच राहिन
खरे ठरावे म्हणून शिंकत शिंकत आले
कुणी किती अन कसे हरवले...पर्वा नाही
स्वतःस्वतःशी पैज लावली, जिंकत आले
जितक्यावेळा वास्तव जखमा देउन गेले
तितक्यावेळा मलम स्मृतींचे लिंपत आले
युगायुगांनी वाढत गेला तुझा अबोला
युगायुगांचा विरह प्यायले, झिंगत आले
क्षणाक्षणाने काळ पुन्हा सोकावत गेला
कणाकणाने खजील होउन संपत आले
सुप्रिया मिलिंद जाधव
विषय:
Groups audience:
Group content visibility:
Public - accessible to all site users
शेअर करा
कुणी किती अन कसे हरवले..
कुणी किती अन कसे हरवले...पर्वा नाही
स्वतःस्वतःशी पैज लावली, जिंकत आले
खूप छान.....
धन्यवाद
धन्यवाद