आजी-शशक

Submitted by बिपिनसांगळे on 2 May, 2020 - 12:50

आजी
---------------------------------------------------------------------------------------------
“आजोबा, मला आजी का नाही?” सिनियर केजीमधल्या चिंटूने विचारलं.
त्याच्या त्या अनपेक्षित प्रश्नावर मी चमकलोच,” का रे? “
“साहिलची आजी किती मस्त आहे ! मलापण अशी एक आजी पाहिजे .”
मी गप्पच झालो. मला अमिताची आठवण आली . आमचं लव्हमॅरेज. पण पुढे बिनसतच गेलं. मी सावरण्याचा खूप प्रयत्न केला .पण नाही! तिने पुढे दुसरं लग्न केलं. मी तसाच राहिलो .तिच्या आठवणींमध्ये झुरत .
अन आता चिंटूला आजी पाहिजे म्हणून, पुन्हा दुसरं लग्न करायचं?...
संध्याकाळी चिंटूची आई आली. त्याला तिचा मोबाईल खेळायला मिळाला.
मध्येच त्याने मला मोबाईल दिला व एका आनंदी कुटुंबाचा फोटो दाखवला . मोठा करून पाहिला अन काळजातच कळ आली .
साहिलची आजी म्हणजे अमिता होती ! …
-------------------------------------------------------------------------------------------------------------

विषय: 
साहित्य
Groups audience: 
गुलमोहर - कथा/कादंबरी
Group content visibility: 
Use group defaults
शेअर करा