दोन ओळींंच्या भयकथा

दोन मिनिटांचा खेळ .
११ -  दोन ओळींच्या दहा भयकथा

१)  रात्री बारालाच कोणीतरी वाढदिवसाच्या शुभेच्छा देण्यासाठी फोन केला . सकाळी आई म्हणाली " तुझा मित्र मोबाईल देउन गेला , राहिला होता म्हणे त्याचा घरी ."

२)  आलेला नवा शेजारी तक्रार करत होता  ,  "तुमच्या मिसेस  दिवसभर विचित्र आवाजात ओरडतात  ". मी माझ्या बायकोचा खून करून एक वर्ष उलटलंय .

३)  त्याने माझ्या झाडाखाली ते छोटसं बाळ पुरलं . त्याला वाटलं होतं मी त्याला गुप्तधन शोधून देईन .

४)  मी त्या देवऋष्याकडे एकाचे वशीकरण करण्यासाठी गेलो होतो . आता तो देवऋषी जे काही सांगेल ते मी करतो .

५)  तो म्हातारा गावात आल्यापासून सहा मुले बेपत्ता झाली , त्यामुळे लोकांनी त्याला फासावर लटकवले .
आता दुसरा कोणीतरी नवीन माणूस गावात येईपर्यंत माझी उपासमार होणार .

६)  मला तो आवाज फारच आवडतो . म्हणूनच मी वेळ मिळेल तसा  माणूस जाळतो .

७)  मी आता फक्त रात्रीच खेळायला जातो .  माझ्या मित्राला पुरल्यापासून तो फक्त रात्रीच खेळायला येतो .

८) ती चेटकीण म्हणाली होती कि नुकत्याच यौवनात आलेल्या मुलीचा बळी दिल्यास मेलेला कुणीही जिवंत होईल . आता माझी मुलगी आणि नवरा दोघेही  मेले आहेत .

९)  माझ्या घरापुढे दररोज कोणी ना कोणी लिंबू-मिरची आणून टाकतात . आता मी स्मशानभूमी सोडून , दुसरीकडे राहायला जायचा निर्णय घेतलाय .

१० )  आई मला त्या निळ्या रंगाने भरलेल्या डब्याकडे जाऊ देत नाही , हा आहे म्हणते . त्या दिवशी तिने त्या रंगाने आंघोळ केली आणि नंतर तिचा हा झाला .

  प्रयत्न केलाय , भीती वाटते का बघा ....? प्रतिक्रिया मध्ये बिनधास्त सांगा ह्या कथा नक्की  कोणत्या प्रकारच्या वाटतायेत . 

धन्यवाद...
Short horror वाचून प्रेरित झालो , कथा मात्र मीच लिहिल्या आहेत...
धक्कातंत्राची पद्धत मात्र तीच आहे ..