Submitted by द्वैत on 24 March, 2020 - 15:32
चांदणे ह्या अंगणी पडलेच नाही
प्रेम ही माझे कुणा कळलेच नाही
लपवण्यासाठी स्वतःचे दुःख येथे
एवढे कोणी कधी हसलेच नाही
भावनेला व्यक्त करणे रोखले पण
आसवांना रोखणे जमलेच नाही
ह्या प्रवासातील ते नाजूक वळण मी
टाळतो म्हटले तरी टळलेच नाही
चल जरा बदलून पाहू काळजांना
मग म्हणूया आपले पटलेच नाही
एकदा वाहून नेले जे पुराने
गाव ते पुन्हा कधी वसलेच नाही
"द्वैत" सारे सोसल्यावर वाटते की
फारसे काही तसे घडलेच नाही
विषय:
Groups audience:
Group content visibility:
Public - accessible to all site users
शेअर करा
Horrifying title in present
Horrifying title in present context to read at one am. Bur poem is nice.
सुंदर, सर्व ओळी आवडल्या
सुंदर, सर्व ओळी आवडल्या
धन्यवाद अमा, धन्यवाद राजेंद्र
धन्यवाद अमा, धन्यवाद राजेंद्र जी
गझलेच्या जवळ जाणारी कविता...
गझलेच्या जवळ जाणारी कविता... झक्कास!
मस्त
मस्त
धन्यवाद अजिंक्यराव , धन्यवाद
धन्यवाद अजिंक्यराव , धन्यवाद happyanand