क्षणाचा सहवास

Submitted by राजेंद्र देवी on 8 November, 2019 - 20:01

क्षणाचा सहवास

क्षणाचा हा सहवास कायमचा दुरावा
आठवणींचा कैफ कैक रात्री उरावा

निथळत्या रात्रीत पहाटेचा ओलावा
डोळ्यातल्या तुझ्या अबोला बोलावा

मदमस्त नजरेत चंद्र खुलावा
जसा अंगणी पारिजात फुलावा

लडिवाळ केसांचा हळुवार हेलकावा
मनात माझ्या मालकंस झुलावा

आठवणी आठवणीतच मिळावा विसावा
क्षणाचा हा सहवास कायमचा दुरावा

राजेंद्र देवी

शब्दखुणा: 
Group content visibility: 
Public - accessible to all site users

मस्त!

सुंदर...