Submitted by वैशाली अ वर्तक on 12 July, 2019 - 00:41
दिंडी माऊलीची
विठ्ठल सावळा ।
उभा विटेवरी ।
चंद्रभागे तीरी ।
पांडुरंग ॥
गोजीरे ते रुप ।
बघते मी डोळा ।
येतसे उमाळा ।
अंतरात ॥
राहो सदा मुखी ।
विठ्ठल ची नाम ।
हेची कर्म काम ।
सदाकाळ ॥
उठता बसता ।
स्मरते तुजला ।
तारण्या मजला ।
तुच देवा ॥
कसे वर्णू गुण
माझी अल्पमती
तव नाम चित्ती ।
ठेवीतसे॥
सावळ्या विठ्ठला ।
दाटे मनी खंत ।
पाहू नको अंत ।
विनवीते ॥
दिंडीत भासतो ।
मी तू चा अभाव ।
समतेचा भाव ।
चोहीकडे ॥
मनी एक आस ।
दिंडीत जाण्याची ।
तूच पुरवावी ।
पांडुरंगा ॥
हेची दान दे गा ।
आले मी शरण ।
दाखवा चरण ।
मजलागी. ॥
वैशाली वर्तक
विषय:
Groups audience:
Group content visibility:
Use group defaults
शेअर करा
सुंदर प्रासादिक रचना.
सुंदर प्रासादिक रचना.
आपली ईच्छा पुर्ण करण्याचे बळ आपल्याला मिळो ही सदिच्छा
धन्यवाद हर्पेन जी
धन्यवाद हर्पेन जी