चांगुलपणाचे सोंग तू घेऊ नको

Submitted by द्वैत on 16 October, 2018 - 01:09

चांगुलपणाचे सोंग तू घेऊ नको
तुटणार जे आहे वचन देऊ नको

होतात का अश्रूंची ह्या पुष्पे कधी
इतका तरी निर्बुद्ध तू होऊ नको

सत्य विजयी होत असते शेवटाला
अफवांवरी विश्वास ह्या ठेवू नको

भक्त देवा आड जेथे दानपेटी
असल्या पवित्र मंदिरी जाऊ नको

थंड प्रेतांचे शहर निद्रिस्त आहे
स्फूर्तिदायी गीते तू गाऊ नको

द्वैत

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा