फ़क्त माझा चेहरा पाहून आले

Submitted by सुप्रिया जाधव. on 16 September, 2018 - 06:48

चेहऱ्यावर चेहरे लावून आले
फ़क्त माझा चेहरा पाहून आले

काळजावर वार झालेले सपासप
रक्त आले मात्र डोळ्यातून आले

लांबवर नेवून होते सोडले मी
दुःख दाराशी पुन्हा परतून आले

माहिती आहे तुझा विश्वास नाही
बोलले जे सर्व ते आतून आले

पाहिले त्याने जरासे वळुन मागे
ऐन वैषाखात ओथंबून आले

पूर्णतः जाणून होते मी कधीचे
जीवनाला त्या पुन्हा जाणून आले

परतल्यावर वाटते का नेहमी हे ?
शेवटाचे मी तुला भेटून आले

सुप्रिया

Group content visibility: 
Public - accessible to all site users