रम्य होते दोन डोळ्यांचे तळे

Submitted by सुप्रिया जाधव. on 23 June, 2018 - 20:58

लावले होतेस तू जे सापळे
फारसे नव्हते जगाहुन वेगळे

पोहता येते तरी बुडले खरी !
रम्य होते दोन डोळ्यांचे तळे

पेरली होतीस ना माणूसकी ?
बहरले आहेत द्वेषांचे मळे

केवढे होते निळे आकाश हे
केवढे झाले अचानक सावळे

कारणाविण नेहमी भेटायचो
कारणाविण होत होते सोहळे

रंग गालांचा गुलाबी व्हायचा
आठवांचे मेघ होता जांभळे

तोवरी अप्रूप वाटत राहते
भावनांचे कोंब जोवर कोवळे

भूक रस्त्यावर पुन्हा आणेल ही
ओरडाया लागले की कावळे

सुप्रिया

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

खरचं सुंदर !!!!

पोहता येते तरी बुडले खरी !
रम्य होते दोन डोळ्यांचे तळे >>> हा विशेष आवड्ला

Submitted by आबा. on 26 June, 2018 - 02:34

तळे,मळे,सावळे,कोवळे... क्या बात!
>>>पोहता येते तरी बुडले खरी !
रम्य होते दोन डोळ्यांचे तळे>>>खासंच!

Submitted by सत्यजित... on 16 July, 2018 - 19:09

व्वा ! Happy
पोहता येते तरी बुडले खरी !
रम्य होते दोन डोळ्यांचे तळे >>>
+१

Submitted by आनंद. on 18 July, 2018 - 08:18

वाह!

लावले होतेस तू जे सापळे
फारसे नव्हते जगाहुन वेगळे

पोहता येते तरी बुडले खरी !
रम्य होते दोन डोळ्यांचे तळे

पेरली होतीस ना माणूसकी ?
बहरले आहेत द्वेषांचे मळे

हे खास!!

Submitted by निनाद on 24 July, 2018 - 06:14