Submitted by शिवाजी उमाजी on 4 August, 2017 - 15:56
नको जीवना रे
पहातोय सारा तुझा डाव आता
कशा दावतो रे फुका भाव आता
पुरे आज येथे हि खैरात सारी
उगा वाटतो ती तु मोकार आता
करा माफ सारी उधारी बळींची
तयारीत घेण्या गळा फास आता
सुरुवात माझी जगायास झाली
नको जीवना रे भिती दावु आता
धरावा सखे गं कशाला अबोला
सुटे काळजाचा इथे धीर आता
कुणी गोंदलेला ठसा पावलाचा
कसे ते कळावे किनाऱ्यास आता
जळानेच माशा असे चिंब केले
भिजावेच त्याने असे कर्म आता
नशा का चढावी न घेता जराही
तपासून आलो जरा स्टाँक आता
© शिवाजी सांगळे
मो.+91 9545976589
http://marathikavita.co.in/marathi-kavita-others/t29220/new/#new
विषय:
शब्दखुणा:
Groups audience:
Group content visibility:
Use group defaults
शेअर करा
नशा का चढावी न घेता जराही
नशा का चढावी न घेता जराही
तपासून आलो जरा स्टाँक आता
हा हा हा क्या बत है।।
निखिल झिंगाडेजी
निखिल झिंगाडेजी प्रतिक्रियेसाठी मनस्वी धन्यवाद...