खोट्या जॉब ऑफर्स

Submitted by श्री on 31 October, 2016 - 12:58

मागच्या आठवड्यात माझा एक मित्र माझ्याकडे मलेशिया विषयी काही माहिती आहे का विचारायला आला होता . मी त्याला कशासाठी म्हणुन विचारलं तर त्याने सांगितलं ' PETRONAS ह्या मलेशियन कंपनीकडुन त्याला जॉब ऑफर आलीय आणि पॅकेज खुप मस्त आहे .' त्याने पासपोर्टची कॉपी , आणि इतर खाजगी माहीती भरुन पाठवली होती. इंटरव्यु वगैरे सगळं व्यवस्थित पार पडलेलं होतं. आणि त्यांनी आता मलेशियातल्या त्यांच्या बॅरिस्टर शी कॉन्टॅक्ट करायला सांगितलं होतं. वीजा , वर्क परमिट वगैरे सगळं त्या वकिलाचं ऑफीस करणार होतं . फक्त सुरवातीच्या पेपरवर्क साठी फी भरावी लागणार होती , त्याने फी भरावी लागेल म्हणताच माझी घंटी वाजली. मी त्याला सगळे पेपर्स ईमेल्स दाखव म्ह्णालो. त्याचे पेपर्स इतके ऑथेंटिक वाटत होते की मी पण क्षणभर कन्व्हिंन्स झालो.
मग मी त्या कंपनीच्या scam विषयी सर्च केलं तर त्यांच्या वेबसाईटवर बरीच माहिती मिळाली.
त्यांच ऑफिशियल e-mail domain आहे @petronas.com.my. पण मित्राला ईमेल आली ती @petronasoil.com वरुन.
मित्राला म्हटलं आता ह्यापुढे त्या लोकांशी कसलही कम्युनिकेशन करु नकोस आणि तुला आलेले इमेल्स खर्‍या कंपनीच्या फ्रॉड प्रिव्हेनशन्च्या ईमेल अ‍ॅड्रेसवर फॉरवर्ड कर.
त्यामुळे कुठल ही ईमेल ,जॉब ऑफर आलीतर आधी तो इमेल आणि वेब्साईट ऑथेंटिक आहे की नाही हे आधी चेक करा. जर ईमेलमध्ये Urgent , immediate action required किंवा Link वर क्लिक करायला सांगितलं असेल तर सावधान.
Few Tips,
Avoid opening unfamiliar and/or unexpected email attachments
Avoid automatically clicking website links in emails before you examine the entire message for phishing clues
Avoid downloading pictures in emails
Be wary of any email urging you to act immediately
Never reply to suspicious emails
Look for the s in https:// and the padlock symbol in your browser’s address bar before you enter private information
Know that the only “secure” graphic you can trust is the padlock symbol in a browser's address bar
Know that legitimate entities should never ask you for your account password

Group content visibility: 
Public - accessible to all site users

श्री,
याहून भयंकर काही प्रकार मी बघितलेत. पुर्वी मी अशा लोकांना सांगायचो कि डोमेन बघा पण आता एका कंपनीच्या ऑफिशियल डोमेन वरुन, तिसर्‍याच एका कंपनीच्या जॉब ऑफर्स येतात.

साधारणपणे नोकरी मिळवण्यासाठी कधीही पैसे मागण्यात आले कि लगेच सावध व्हायला पाहिजे, पण ज्यांना नोकरी नाही असेच लोक नव्हेत तर नोकरी असलेले लोकही अशा जाळ्यात अडकतात, मूळात आपण जिथे अर्जच केलेला नाही, त्या कम्पनीकडून अशी मेल आली, तरी सावध व्हायला पाहिजे.

मला काही वर्षांपूर्वी असाच रशियन पेट्रोकेमिकल कंपनी कडून ईमेल आला, माझ्याच जॉब प्रोफाइल साठी. ईमेल आयडी त्या कंपनीच्या डोमेन नावाने होता. मी सीव्ही पाठवल्यावर दोन दिवसात महिना ७५०० डॉलरची कंपनीच्या लेटरहेड वर जॉब ऑफर आली. मला जरा शंका आली म्हणून मी त्या कंपनीच्या वेबसाईट वर शोधाशोध केली. त्या कंपनीने अशा सगळ्या ईमेल आयडी ज्या वरून त्यांच्या नावाने फेक ईमेल केला जातो अशी लिस्ट दिली होती, त्यात मला ज्या डोमेन वरून ईमेल आला तो पण होता.

कंपनीचे नाव आता लक्षात नाही. पण ईमेल, लेटरहेड, ऑफर सगळे अतिशय ऑथेंटिक असे वाटणारे होते.

हल्लीच अश्या दोन ईमेल्स वाचनात आल्या. एक TCS च्या नावे आणि दुसरे L&T च्या नावे. मुलाखतीसाठी आमंत्रणाचे भलेमोठे PDF पत्र होते. पत्राच्या प्रत्येक पानावर कंपनीच्या लोगोचा वॉटरमार्क. आमची एक नोकरीच्या शोधात असलेली फ्रेशर उमेदवार tsc कडून कॉल आला म्हणून एकदम खूष झाली होती पण कसचे काय!

सदर आमंत्रणाचे साधारण स्वरूप खालीलप्रमाणे असते -
- मुलाखतीची तारीख पुढच्या एक-दोन दिवसाची असते.
- मुलाखतीची ठिकाणे दिल्ली, हैदराबाद अशी दूरदूरची असतात.
- पत्रात मुलाखतीच्या तपशिलासोबत कंपनीबद्दलची सविस्तर माहिती, कंपनीची मुल्ये, शाखा, वेगवेगळ्या क्षेत्रातील कंपनीच्या बिझनेसची माहिती, तसेच तुमची निवड झाल्यानंतरच्या प्रशिक्षणाबाबतची सविस्तर माहिती दिलेली असते.
- मुलाखतीच्या येण्याजाण्याच्या, राहण्याच्या सर्व खर्चाची भरपायी कंपनी करणार. मुलाखतीचे ठिकाण तुमच्यासाठी खूप लांब पडत असेल तर आम्हाला तसे कळवा आणि तुम्हाला जे ठिकाण सोयीचे असेल ते नमूद करा. आम्ही त्या ठिकाणी मुलाखतीचे नियोजन करू.
- मात्र, आम्ही तुमच्यासाठी तुमच्या सोयीच्या ठिकाणी मुलाखतीचे नियोजन करणार आहोत आणि तुम्ही ऐन वेळी पलटी मारलीत तर कंपनीचा वेळ आणि पैसा वाया जाईल. तेंव्हा अमुक दिवसाच्या आत (नॉर्मली एक-दोन दिवसाची मुदत असते.) तुम्ही अमुक अमुक रक्कम अमुक अमुक खात्यावर जमा करावी. काही शंका असतील तर अमुक अमुक व्यक्तीशी संपर्क साधावा. मुलाखतीनंतर तुम्ही भरलेली रक्कम तुम्हाला परत केली जाईल.

थोडेसे लक्षपूर्वक वाचले तर या मोठ्या पत्रात शुद्धलेखनाच्या आणि व्याकरणाच्या रग्गड चुका आढळल्या. एक पत्र appreciate@tsccampus.com वरून आलेले आणि दुसरे xwe3@larsentoubrodept.in या पत्त्यावरून आलेले.

दोन्ही आमंत्रणांत कंपनीचा लोगो, कंपनीचे नाव, संपर्क व्यक्तीचे नाव आणि मोबाईल नंबर आणि काही किरकोळ बदल वगळता अगदी शुद्धलेखनाच्या चुकांसकाही जसाच्या तसा मजकूर होता.

हा धागा खरे तर एकेकाळी मलाच काढायला हवा होता.
माझ्या गर्लफ्रेंडला टाटाची ऑफर आलेली.
फोनवर जुजबी माहिती विचारून फायनल ईण्टरव्यू बॅगलोरला.
प्रवासखर्च ते देणार. पण डिपॉजिट म्हणून 2000 रुपये फक्त जमा करायचे. जे ईण्टरव्यूला काही कारणाने येऊ शकला नाहीत तर बुडाले अन्यथा ते ईंटरव्यू झाल्यावर परत करणार.
फोनवर बोलणे झाल्यामुळे तिला अगदी खात्री पटल्यासारखे झालेले. आणि 2000 रुपये ही तुलनेत मोठी रक्कम नसल्याने भरून तर बघूया अशी मानसिकता सहज होते.
सुदैवाने तिने मला कॉल केला. मी तिचा मेल चेक केला. लगेच गूगल सर्च मारले. आणि ती सारी बंडलबाजी असल्याचे धडाधड समोर आले. अगदी आजही तो किस्सा वापरून मी कसा तिच्यापेक्षा शहाणा आहे हे तिला सुनावत असतो Happy

माझ्या मित्राबाबत घडलेला किस्सा.
त्याने टाईम्सजॉबवर प्रोफाईल तयार केले होते. त्याचा संदर्भ सांगुन त्याला गुरुग्रामस्थित एका प्लेसमेंट एजन्सीने फोन केला. आमच्याकडे तुमच्यासाठी नोकरीचे कॉल्स आहेत, काही पुण्यातीलच मोठ्या कुंपण्यांची नावे सांगितली. पण ईंटरव्ह्यु कॉल हवा असेल तर ४००० रु. भरायला सांगितले. बिचार्‍याने भरले की पैसे. Sad कसले ईंटरव्ह्यु कॉल अन कसले काय? बसला बिचारा चरडफत.
मला पण व्हीनौकरी.कॉम कडुन असेच टाईम्सजॉबवरील प्रोफाईलचा संदर्भ सांगुन आमच्याकडे तुमच्यासाठी नोकरीचे कॉल्स आहेत हे सांगण्यासाठी फोन केला. म्हणे की अमुल आणी पार्ले अ‍ॅग्रो मधे व्हेकन्सी आहेत.ईंटरव्ह्यु कॉल हवा असेल तर ५००० रु. भरा वगैरे. मला कल्पना असल्याने मी सरळ म्हणालो की मी सध्या नोकरी शोधत नाहीये तर म्हणे मग तुम्ही सिव्ही का अपलोड केला. :अओ:. मी सरळ सांगितले की तो तुमचा प्रश्न नाहीये. Angry
एकही पैसा न घेता नोकरीची लेखी हमी देत असाल तर पुढे बोलु अन्यथा मी फोन कट करतोय.
आत्तापर्यत टाईम्सजॉबचा संदर्भ देऊन ७-८ वेळा असे कॉल आले आहेत. पण आश्चर्य म्हणजे नौकरी.कॉमचा उल्लेख किंवा संदर्भ आजपर्यत कोणीच केला नाहीये.

मी एक रिझ्युम झॅपर सर्व्हिस साठी बर्‍याच वर्षापूर्वी ३०० रु भरले होते.
नंतर सीप्झ मध्ये ओफिस चा पत्ता शोधत गेल्यावर तिथे असे काही नाहीय हे तिथल्या नेट कॅफेत कळले Happy
अवघड काळातून जाणारी गरजू माणसण या ऑफर्स ना नेहमी बळी पडतात.या ऑफर्स काय, नवग्रहाचे खडे काय, यंत्रं काय.
कोण्या गरिबाची अशी फसवणूक होऊ नये, आता सोशल मिडीया मुळे हे बरंच कमी झालं असेल.

गिरीकंद, नौकरी डॉट कॉम वरून पुर्वी काही मेसेजेस आले होते. पण त्यांच्याकडे तक्रार केल्यावर हे प्रकार बंद झाले.
कदाचित त्यांचे बॅक ऑफिस याबाबतीत जागरूक असेल.

टाईम्सजॉब च्या बाबतीत मी पुर्वी खुप ढिसाळपणा बघितलाय. त्यांचे सर्च इंजिनही योग्य प्रकारे काम करत नाही. ते नक्की टाईम्स ग्रुपशी संबंधित आहे काय, याबाबत मला शंका आहे.

एखादी अशी जॉब पहिल्यावर, आणि कुठलीही शंका असेल तर त्या कंपनीच्या एच. आर. खात्यात चौकशी किंवा तक्रार करणे योग्य. अनेकदा कंपन्या अश्या ईमेल्सशी दखल घेतात. काही जॉब पोर्टल्स अगदी ठळकपणे आम्ही अश्या प्रकारच्या ईमेल्स पाठवत नाही ( पैसे मागणार्‍या ) असे आवर्जून लिहितात त्यांच्या होम पेज वर.

परवाच टिव्हीवर अमेरिकेचा व्हिसा संबंधात जाहिरात बघितली. नाव आठवत नाहीये आता पण H1 होणे आता खूप सोपे आणि सहज शक्य आहे असे ती जाहिरात सांगत होती. फ्रस्ट्रेटेड लोक नक्कीच बळी पडतील त्याला.