तू नाद चांदण्याचा सोड आता ...

Submitted by बाळ पाटील on 29 September, 2016 - 03:33

सुकतील ही फुलेही तोड आता
मानून घे मनाला गोड आता

जी अक्षरे मुळातंच गोंदलेली
तेथे कठीण खाडाखोड आता

नाही तुला उन्हाने सोडलेले
तू नाद चांदण्याचा सोड आता

फुटणे स्वभाव आहे दर्पणाचा
आयुष्य तू नव्याने जोड आता

आहे दहयादुधाची मौज येथे
डोईवरील मटके फोड आता
_ बाळ पाटील

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

नाही तुला उन्हाने सोडलेलेतू नाद चांदण्याचा सोड आता ।।। वा क्या बात आहे बाळासाहेब ! एक लय असते गझलेत तुमच्या ' कुठेच् ओड़ताण दिसत नाही खूप छान .

Submitted by गजानन रताळे on 12 October, 2016 - 13:33

जी अक्षरे मुळातंच गोंदलेली
तेथे कठीण खाडाखोड आता>>
हे दीपिकासाठी लिहिले आहे असे वाटले. Lol

आवडली कविता. गद्य नाही पाहून तर फारच. Happy

Submitted by Filmy on 16 October, 2016 - 04:59