रमन राघव २.० - Welcome back Anurag Kashyap ! - (Movie Review - Raman Raghav 2.0)

नको सिनेमे. जोशी अभ्यंकरवर पॉंच होता ना? अनुराग कश्यपचाच. मराठीत माफीचा साक्षीदार.

अनुराग कश्यपचा माहित नाही. पण नाना पाटेकर असलेला हिंदी आणि मराठी चित्रपट तेव्हा लगेचच आलेला. ते हत्याकांड अतिशय भयंकर होते.

पांच बघवेल काय बर्‍याच जणांस? युट्युब वर आहे.

जोशी/अभ्यंकर खुन प्रकरण - जक्कल, सुतार, इ. - पुणे>> हो पांच व माफीचा साक्षीदार असे दोन चित्रपट आले होते. येस आय अ‍ॅम गिल्टी असे पुस्तक पण आहे. खतरनाक दहशत होती पुण्यात. कर्फ्यू लागल्यासारखे रस्ते असायचे. आमच्या वाड्याचा दिंडी दरवाजा बंद करुन चुपचाप बसायचे लोक. त्याच सुमारास बहूतेक किंवा नंतर आणीबाणी पण होती. तेव्हाही असेच सुनसान रस्ते असायचे. आम्हाला ताकीद होती ७ च्या आत घरात टाईप.

एक अमोल पालेकरांचा मराठी सिनेमा होता.... नरबळी बद्दल. आक्रित नाव होते बहुतेक त्याचे. ती सुद्धा सत्य घटना होती.

तो मानवत हत्याकांडावर होता

मानवत कांडावर सर्वसाक्षी असा पण एक चित्रपट होता ना ?

येस, आय अ‍ॅम गिल्टी मुनव्वर शाहने लिहीले होते, तो यातला एक आरोपी. मी वाचले होते ते पुस्तक. स्वतःला जस्टीफाय करण्याव्यतीरीक्त काही नव्हते त्यात.

मानवत हे गावाचे नाव आहे का? काय घडले होते तिथे?

हो मानवत हे गाव आहे, मराठवाड्यात आहे. बहुतेक बीडच्या पुढे.

Why details of Manwath mass murders are hidden?
Manwathh mass murders took place in 1974 to 1977 but there are no details on the internet. Also Amol Palekar made his directorial debut with movie 'Akriet' on this issue. But the information about the movie is also not available. The book based on the incident Manwath mass murders by Rajguru Deshmukh is not available anywhere.

मानवत बद्दल मी पण लहानपणी ऐकले होते, पण डिटेल्स माहीत नाहीत, मात्र अमानुष हत्याकांड झाले होते की ज्याने थरकाप उडेल.

सर्वसाक्षीमध्ये मुळ कथेला हत्याकांडाचा रेफरन्स होता. आक्रित प्रत्यक्ष त्या घटनेवर होता. मानवत जेव्हा बाहेर आले तेव्हा तेही तितकेच भयानक वाटले होते. नक्की आकडा आठवत नाही पण त्यांनी खुप लहान मुले मारलेली.

गुप्तधन आणि संततीप्राप्तीच्या लालसेने लहान मुलांचे बळी दिलेले. हा प्रकार २-३ वर्षे चालु होता बहुतेक, ज्या मुलांचे बळी दिले गेले ते मांत्रिकांकरवी दिले गेले, मंत्र तंत्र वगैरे, त्यामुळे मुलांचे अवयव कापणे वगैरे अघोरी प्रकार झालेले. खुप वर्षे झालीत पण तेव्हाच्या पेपरात आलेले डिटेल्स आठवताहेत कारण ते प्रकरण खुपच गाजलेले.

आक्रित मध्ये वरिल भाग आलाय, तर सर्वसाक्षीमध्ये गावात नवा आलेला एक डॉक्टर असल्या अंधश्रद्धा दुर करायचा प्रयत्न करतो आणि त्याच वेळी अपत्यासाठी आसुसलेली त्याची बायको या मंडळींच्या जाळ्यात अडकते याची कथा आहे.

रामन राघवचे ऐकलेले... जक्कल सुतार यांच्या वेळी रोज बातम्या यायच्या रेडिओवर पेपरात त्यामुळे अनुभवलेले म्हणावे ... त्यातला माफीचा साक्षीदार संगमनेरचा त्यामुळे खूप वेळा बघितलेला जवळून...
मानवतच्या देखिल बातम्या असायच्या पेपरात... अत्यन्त भयप्रद वातावरण तेंव्हा...

अजून एक हाकामारीची वदंता त्या काळात पसरलेली ती घरावर फुली मारून जाते...

{{{ रश्मी.. | 27 June, 2016 - 19:16 नवीन

येस, आय अ‍ॅम गिल्टी मुनव्वर शाहने लिहीले होते, तो यातला एक आरोपी. मी वाचले होते ते पुस्तक. स्वतःला जस्टीफाय करण्याव्यतीरीक्त काही नव्हते त्यात. }}}

असे काय करता? याउप्परही काही होते की त्यातही ....

त्याने लिहिल्याप्रमाणे ही टोळी आधी कोल्हापुरात असला प्रयोग करायला गेली आणि तिथे घरातल्या मंडळींचा (अगदी बायकांचाही) मार खाऊन पराजित होऊन आली. मग हाच प्रयोग पुण्यातही केला आणि तो मात्र अनेकवेळा यशस्वी झाला. त्यावरून पुणेकर आणि त्यातही ब्राह्मण जातीची मंडळी ही दुर्बल असतात असा निष्कर्षदेखील त्या मुनव्वरने आपल्या पुस्तकात नमूद केला आहे. एखाद्या समाजाच्या संयमाचा, सुसंस्कृततेचा असा अर्थ लावणारा तो इथल्या विशिष्ट मायबोलीकरांपैकीच होता की काय अशी शंका येते.

पिक्चर पाहिला ! बरा आहे. पण खुप स्लो आहे. काही काही भाग उगीच लांबवलेले वाटतात.

म्हणजे सगळे सरळ रेषेत चालते. कुठलाही धक्का बसत नाही. आंगावर येणारे वास्तव आहे पण ५ * इतका चांगला निश्चितच नाही. फार फार तर ३ देता येतील नवाझचा अभिनय चांगला आहे म्हणून.

अनुराग कश्यपची जितकी हवा आहे तितके काही तो चांगले चित्रपट देत नाही. चित्रपटामध्ये महत्त्वाची बाब म्हणजे तो पहाणार्‍याला खिळवून ठेवायला हवे. आणि इथे तर इतका ताकदीचा विषय असून हा चित्रपट मध्येच कुठे तरी घसरतो. म्हणजे मी तर एक दोन ठिकाणी जांभया दिल्या आणि तिथेच माझ्या दृष्टीने चित्रपट नापास झाला

>>मी तर एक दोन ठिकाणी जांभया दिल्या आणि तिथेच माझ्या दृष्टीने चित्रपट नापास झाला

{{{ पण पुण्यात जो त्यांचा प्रयत्न हाणून पाडला गेला, तो नंतर तपासकार्यात महत्त्वाचाही ठरला. }}}

खरं आहे. शेवटी शेवटी तर त्यांनी चटक लागल्याप्रमाणे अतिरेक केला होता. ते पोलिसांच्या नजरेत संशयित आहेत हे माहीत असूनही वेड्यासारखे थांबायचे नावच घेत नव्हते. जोशी प्रकरणानंतर त्यांनी गुन्हे थांबविले असते तर कदाचित ते पकडले गेलेही नसते.

जोशी अभ्यंकरची केस क्रॅक झाली हा एक किस्सच आहे. रोज कट्ट्यवर बसणार्‍या आपल्या मित्राचा त्यानी ( हेगडे) खून सारस्बागेत केला आणि त्याचे प्रेत भर दिवसा मोटारसायकल्वर अख्ह्या पुण्यातून बंड गारडनला नेऊन टाकला. तपास लागत नाही म्हणून पुणे कर, पुणे पोलीस हैराण झाले होते पेपरमधून पोलीसांवर रोज टीका केली जाई आणि तेवढ्यात आणखी एक खून पडे. ही पोरे डेक्कन पोलीस स्टेशनला जाऊन मधून मधून पोलीसाना दम देत की आमच्या मित्राच्या ( हेगडे) खुनाचा तपास का लागत नाही. कामे करता की काय असे उलट पोलीसाना दमात घेत. बिचारे पोलीस सगळ्या जगाची बोलणी खात होते आणि सहन करीत होते. त्यात एका अनुभवी हवालदाराला यांचा संशय आला की यांना काय एवढा इंटरेस्त आहे बुवा यात म्हणून एकदा त्याने साध्या वेषात त्याना पोलीस स्तेशनमधून बाहेर पडल्यावर नकळत थोडे अंतर राखून फॉलो केले. त्यांच्या गपा चालल्या होत्या की अजूनही पोलीसाना आपला संशय आलेला नाही आपण सेफ आहोत वगैरे मग हवालदाराची खात्रीच पटली . मग त्याना रीतसर ताब्यात घेण्यात आले. मग काय पोलीसांच्या ताब्यात माणसे न केलेल्या खुनाची कबुली देतात तर हे तर खरेच गुन्हे गार होते...::फिदी:

त्यांना पहिल्या दोन खुनानंतर पोलिसांनी रात्रीचे भटकत असताना ताब्यात घेतलेले, पण त्यांनी खिशातले दोरी वगैरे सामान खिडकीतुन बाहेर टाकले, पोलिसांनीही नेहमीची जुजबी चौकशी केली आणि सोडले. त्यानंतर त्यांनी अभ्यंकर वगैरेना मारले.

त्यांना फासावर चढवल्यादिवशी पुणेकरांनी फटाके वाजवुन आनंद व्यक्त केलेला, त्यावर भरपुर टीकाही झालेली.

चित्रपट पाहीला. बोर्डात येण्याची हमी असणार्‍याने कसेबसे फर्स्ट क्लास मध्ये पास व्हावे असे काहीसे वाटले.

कश्यपचा एक हार्ड फॅन ह्या नात्याने मला तरी असे वाटते की त्याने एखादा मोठा ब्रेक घ्यावा काही दिवस.

नवाजुद्दीनला नावे ठेवायला मात्र कसलीच संधी नाही.

डीटेल मध्ये माहित न्हवता जोशी अभ्यंकर खून. वरची लिंक वाचताना थरकाप उडतो.

ते अभिनव चे विद्यार्थी होते म्हणून पुढे कितीतरी दिवस अभिनवच्या मुलाना पेइन्गगेस्ट /भाडेकरु म्हणुन जागा मिळत नव्हत्या.

जोशी अभ्यंकर खून प्रकरण

http://blogs.maharashtratimes.indiatimes.com/puneune/abhykar-murder-case/

चित्रपट पाहिला पण आवडला नाही. ..... चित्रपटात एकाद दोन सीन वास्तव्यास धरून नाहीये रामन राघव ने भर वस्तीत व खुलेआम मर्डर केले नव्हते जस तो येथे आपल्या बहीणीचा खुन करतो. चित्रपटाची पुलिस सुध्दा खरी वाटत नाही जी अग्ली मध्ये वाटली. अग्ली मध्ये जस वास्तवाला प्रेक्षक चटकन रिलेट होतो तो येथे होत नाही. ..एक चांगला विषय वाया गेलाय.

महेशकुमार,

हा चित्रपट वास्तवातल्या रामन राघवबद्दल नाही.

>>४. 'कहानी'मध्ये बकाल कोलकाता जितकं प्रभावीपणे दाखवलं होतं, तितक्याच प्रभावीपणे इथे 'मुंबई' दिसते. 'आमीर'मध्ये मुंबईचा हे कळकट चेहरा दाखवला होता. इथलं मुंबई चित्रण फक्त कळकटपणावर न थांबता कळकटपणाच्याही आत शिरुन त्याची व्याप्ती दाखवतं. ही मुंबई ह्या कथानकातलं एक महत्वाचं पात्र आहे. ती नसेल, तर ही कहाणीही नसेल.<< +१

आजच पाहून आलो. नवाज आणि विकी दोघांनी फोडलयं. ही कळकट्ट मुंबई अंगावर येते. क्रौर्य दाखवताना थेट दाखवलयं, अजिबात भेदभाव केला नाही. शेवट तर जबरदस्त केलाय.

नवाजुद्दिनचे कित्येक संवाद , स्व्तःशी/दुसर्‍यांशी सुरु असताना लोक हसत होते आजूबाजूचे. जणू विनोदच सुरु आहेत, पण तो ज्या थंडपणे बोलत असतो ते बघण्यासारखं आहे.

'अ' प्रमाणपत्र आहे. संवाद, द्रुश्यं 'अ' प्रमाणपत्रानुसारच आहेत.

>>हा चित्रपट वास्तवातल्या रामन राघवबद्दल नाही.<<चित्रपटाच्या सुरुवातीलाच हे डिस्क्लेमर टाकलयं.

ओ प्रतिसादकर्त्यांनो .. प्लीज स्पॉयलर लिहित जा ना लोकहो लिहिताना..
निदान पिच्चर थेटरात असेपर्यंत तरी लिहित जा..
काय ते बघायला याव अन कथा फोडलेली असली कि जाम डोक्यात जाते :रागः

http://www.saptahiksakal.com/SaptahikSakal/20130713/5115764109369759989.htm