आपल्या हाती कुठे आकार असतो

Submitted by जयदीप. on 1 May, 2016 - 21:28

आपल्या हाती कुठे आकार असतो
तो ठरवतो सर्व, जो कुंभार असतो

ज्या दिव्याची ज्योत थोडी उंच असते
त्या दिव्याखाली कमी अंधार असतो

याचसाठी जग तुला आैषध सुचवते
राग येणे हा म्हणे आजार असतो

सोडली नसती प्रवाहाधीनता मी
जर तुझ्याइतकाच मी लाचार असतो

राहते स्पर्शात ओतत प्रेम बहुधा
तो तिच्यासाठी जरी व्यवहार असतो

जयदीप

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

ज्या दिव्याची ज्योत थोडी उंच असते
त्या दिव्याखाली कमी अंधार असतो>>छान
राहते स्पर्शात ओतत प्रेम बहुधा
तो तिच्यासाठी जरी व्यवहार असतो>>व्वा

Submitted by vilasrao on 2 May, 2016 - 00:55

वा

Submitted by वैवकु रीटर्न्स on 5 May, 2016 - 09:39