Submitted by सत्यजित... on 7 January, 2016 - 17:43
टिका-टिप्पणी जो तो करतो आयुष्यावर...
उहापोह का इतका घडतो आयुष्यावर?
कुणी उन्हाची रख-रख म्हणुनी होतो लाही...
कुणी चांदणे अलगद धरतो आयुष्यावर!
टपोर डोळ्यातून सखीच्या झरते कविता...
शेर नेमका तेंव्हा सुचतो आयुष्यावर!
कधी मृत्युही इतका मोहक वाटुन जातो...
जणू श्वासही कलंक ठरतो आयुष्यावर!
जन्म जाळला अवघा समिधा होताना मी...
तरी गंध 'त्या'चा दर्वळतो आयुष्यावर!
—सत्यजित
==============================
कुणी गिरवतो तोच तो धडा आयुष्याचा...
कुणी रोज नव-कविता करतो आयुष्यावर!
विषय:
Groups audience:
Group content visibility:
Public - accessible to all site users
शेअर करा
मस्त आहे. <<<कुणी उन्हाची
मस्त आहे. <<<कुणी उन्हाची रख-रख म्हणुनी होतो लाही...
कुणी चांदणे अलगद धरतो आयुष्यावर>>>
आवडला.
एक मोठी तांत्रिक चूक झाली आहे
एक मोठी तांत्रिक चूक झाली आहे मतल्यात. करतो आणि होतो हे काफिये चालणार नाहीत. बाकी खयालांमधील नावीन्य आणि शब्दयोजना खूप छान! र्हस्वदीर्घाच्या सुटी टाळण्याकडे कल असलेला बरा! शुभेच्छा!
कधी मृत्युही इतका मोहक वाटुन
कधी मृत्युही इतका मोहक वाटुन जातो...
जणू श्वासही कलंक ठरतो आयुष्यावर!
जन्म जाळला अवघा समिधा होताना मी...
यज्ञ पेटला तेंव्हा मरतो आयुष्यावर!>>>जबरदस्त !
मनःपूर्वक धन्यवाद
मनःपूर्वक धन्यवाद बेफिजी...
तांत्रिक चूक संपादित केली आहे!
टिका-टिप्पणी करतो जो-तो आयुष्यावर...
उहापोह का इतका होतो आयुष्यावर?
मूळ मतला असा सुचला होता.लेखनासाठी,कवाफी अधिक सुलभ करण्यासाठी 'जो-तो करतो' असा बदल करताना,'होतो' ऐवजी 'घडतो' असा बदल करणे राहून गेले होते!
पुढील लिखाणात सुटी टाळण्याचा नक्की प्रयत्न करेल.
आपल्या शुभेच्छा तसेच मार्गदर्शनाबद्दल अनेक आभार!
प्राजक्ता,विलासराव...हार्दिक
प्राजक्ता,विलासराव...हार्दिक धन्यवाद!
>>>>कधी मृत्युही इतका मोहक
>>>>कधी मृत्युही इतका मोहक वाटुन जातो...
जणू श्वासही कलंक ठरतो आयुष्यावर!
<<<< व्वा!!
मतला आणि 'ठरतो' सर्वात छान
मतला आणि 'ठरतो' सर्वात छान वाटले.
धन्यवाद श्रीपाद! धन्यवाद
धन्यवाद श्रीपाद!
धन्यवाद उल्हास जी!
क्या बात है...!!!
क्या बात है...!!!
कधी मृत्युही इतका मोहक वाटुन
कधी मृत्युही इतका मोहक वाटुन जातो...
जणू श्वासही कलंक ठरतो आयुष्यावर!
>>>> खूप आवडला हा शेर
खूप धन्यवाद
खूप धन्यवाद सत्यजितजी,आनंदयात्रीजी!
दोन दोन सत्यजित? इतक्या
दोन दोन सत्यजित? इतक्या उघडपणे काढलेला ड्यु आय पाहण्यात नव्हता. (हलके घ्यावेत)
क्या बात है सत्या! जणु
क्या बात है सत्या! जणु श्वासही कलंक ठरतो आयुष्यावर से हुई ना बात!
टिका-टिप्पणी जो तो करतो
टिका-टिप्पणी जो तो करतो आयुष्यावर...
उहापोह का इतका घडतो आयुष्यावर?>>>- मनकी बात ...
मनःपूर्वक धन्यवाद
मनःपूर्वक धन्यवाद shuma!
माणिकजी आपलेही मनःपूर्वक आभार!
आपल्यासारख्या प्रतिभा-श्रीमंत माबोकरांकडून मिळणारे प्रतिसाद,लेखनाचा हुरुप सतत द्विगुणित करत असतात!
सर्व मान्यवरांचे पुन्हा एकदा खूप खूप आभार!
सत्यजित, खूप आवडलीये गझल.
सत्यजित, खूप आवडलीये गझल. सगळेच खयाल बेहतरीन आहेत.
खूप धन्यवाद शलाकाजी!
खूप धन्यवाद शलाकाजी!
टपोर डोळ्यातून सखीच्या झरते
टपोर डोळ्यातून सखीच्या झरते कविता...
<< खुपच छान !!!!!!!!
वाह !! फारच छान ...
वाह !! फारच छान ...
शेवटचा सोडून सगळे शेर अप्रतिम
शेवटचा सोडून सगळे शेर अप्रतिम !
आवडली गझल
पुन्हा एकदा धन्यवाद
पुन्हा एकदा धन्यवाद श्रीपाद!
कविताजी,सुप्रियाजी...मनःपूर्वक धन्यवाद!
बाबो...लई ना भारी....खुप खुप
बाबो...लई ना भारी....खुप खुप आवडली रचना
खूप धन्यवाद संतोषजी!
खूप धन्यवाद संतोषजी!
मतला खास बाकी शेरही
मतला खास
बाकी शेरही छान
शेवटचा सोडून