ठुसके बार - कालखंड अनादिअंत

Submitted by घायल on 26 November, 2015 - 09:56

सूचना : वाचण्याआधी नियम व अटी मान्य असल्याचे संमतीपत्र देणे आवश्यक.

इसवी सन ००००

तेव्हां आकाशात तारा दिसू लागला. त्याकडे बघ बघत तीन घोडेस्वार मार्गस्थ झाले. त्या प्रवासाचा शेवट एका गोठ्यात झाला. तिन्ही प्रवाशांनी खाली उतरून पाहीले. एका तेजस्वी बालकाचा जन्म झाला होता. देवकीने मेरीच्या बाळाला न्हाऊ घातले. तेव्हांच एका प्रवाशाने विचारले आपण इथे कशा ? त्यावर मेरी उत्तरली, वासुदेव भौजी बाळासाठी टोपली आणायला गेलेत. यावर एका प्रवाशाने तिथल्या तिथे एक रेघ जमिनीवर मारली आणि म्हणाला या रेघेच्या अलिकडे बीसी आणि पलिकडे ..

"फॉर्वर्ड ?" वासुदेवाने विचारले ?

यावर शेम शेम म्हणत लालूप्रसाद यादव संतापले. तेव्हां पहिला प्रवासी म्हणाला, "रेघेच्या अलिकडे ख्रिस्तपूर्व काळ आणि काही वर्षांनी ख्रिस्तानंतरचा काळ, समजले का ?"
इतक्यात काशीबाई म्हणाल्या, "अगं बाई गोंडस बाळ आहे, आता जान्हवीची डिलीव्हरी कधी होणार ?"

यावर तिन्ही प्रवासी अदृश्य झाले.
******************* **************
कालखंड : इसपूर्व अनिश्चित

द्युतात हरलेल्या पांचालीला भर सभेत अपमानित करण्यात येऊ लागले. दुर्योधनाने तिच्या पदराला हात घालताच तिने कृष्णाचा धावा सुरू केला. इतक्यात नीतीशकुमार स्वत: येईन साडीला दुसरी साठी स्टेपल करायच्या उद्योगाला लागले.

द्रौपदी म्हणाली, "श्रीकृष्ण कुठे आहेत ?"

" न्यायालयाने डान्सबार का चालू करू नयेत अशी नोटीस काढल्याने सरकारची बाजू मांडण्यासाठी थेट बारामतीहून तिकडेच गेले आहेत."

यावर द्रौपदी म्हणाली," मग तुम्ही का आलात?"

नीकु उत्तरले "कृष्णाचे काम नीतीशने केले नव्हते का ?"
" अहो पण तो बिहारी थोडी होता ?"
" कृष्णच बिहारी असल्यावर तो प्रश्नच मिटला नाही का देवी ?"
" काही तरी काय ? लिंक द्या "
" लिंक कशाला हवी ? अटलबिहारी माहीत नाही काय ? "
" अग्गं बाई ! असं काय ? "
" तू उपस रे ! झालं काम "?:
"विजयी भव ! "
असं म्हणून द्रौपदी समाधानाने हसली.
अटलबिहारींनी प्रवेश करत विचारलं,
" अब तो ( पॉ............................झ) जान्हवी की डिलीव्हरी होगी ना ?"

इतक्यात चॅनेल बदलले गेले.

*********************************************

आनंदी बाईं कडून आलेल्या खलित्यात ध च्या जागी मा पाहून राघोबादादा संतापाने लालेलाल झाले.
"हा असहीष्णुतेचा पुरावा आहे. मी पुणे सोडून चाललो "
"जाणार कुठे पण ?"
" कुठेही जाईन ! बाबांनी आनंद नगरला एक बीएचके यासाठीच घेऊन ठेवला असावा "
"पण मी काय म्हणते..."
" तू काहीही बोलू नकोस कला ! तू काही मला जगू देणार नाहीस "
" अहो, शेवटची संधी द्या हो मला ""
" तू मला मेलीस कला "
" जळ्ळं मेलं लक्षण ते, आनंदी म्हणायचं सोडून सारखं कला कला काय लावलंय हो ? पुढच्या जन्मात जान्हवीच्या बाबांचा रोल करायला लागेल या भविष्याचा आताच काय लोड घेता ? पेशवे बनायचंय ना ?"

इतक्यात भन्साळी आले आणि म्हणाले "पिंग्याचं स्पेलिंग सांगताय ना ?"
यावर आनंदीबाई संतापाने थरथरत म्हणाल्या,
" शनिवारवाड्यात नाचगाणी दाखवणारा तो तूच का ? सोडा त्या नारायणाला आणि याला ध आपलं मा "
" मी काय म्हणतो, सेटलमेंट करूया कि आपण "
यावर आनंदीबाई खुलल्या आणि राघोबांकडे वळून म्हणाल्या,
" अहो , पुणे सोडून चालला होतात ना ? जाताना तुळशीबागेत नवीन काय आलंय ते बघून घ्या आणि मंडईतून भाजी घ्या , चितळें कडचं श्रीखंड आणि बाकरवाडी पण आणा सूर्य माथ्यावर यायच्या आत "

"बरं , काय करू म्हणता सेटलमेंट ?"
" मी कथेत तुम्हालाही भरजरी साड्यांमधे दाखवतो. वामा कलेक्शनचा वॉर्डरोब, पु ना गाडगीळांचे दागिने आणि लागू बंधूंचे मोत्याचे दागिने असा सगळा जामानिमा असेल. एक आयटेम साँगदेखील टाकूयात "
" अग्गंबाई , काय म्हणता ? इतकं मोठं प्रस्थ असाल असं वाटलं नव्हतं "
यावर भन्साळी काय बोलायचं हे न समजून हसले.
" मग तुमचा शब्द टाकून जान्हुला एकदाची मोकळी का करत नाही हो ? मला तर बाई ती दिसली तरी टेण्शन येतं"

मुर्छित पडलेल्या भन्साळींना न्यायला दीपिका आणि प्रियंका धावत आल्या.
****************************************************************

( मध्यमध्यांतर)

नियम व अटी
१. वाचण्याआआधी सभ्यतेचे मुखवटे उतरवून येणे आवश्यक
२. आणखी ठुसके बार याच ठिकाणी अपडेट करण्यात येतील.
३. प्रतिसादात आलेले ठुसके बार हेडर मधे पूर्वसूचना न देता घेण्यात येतील.
४. आमची कुठेही शाखा नाही. तसेच नामसाधर्म्य दिसल्यास योगायोग समजावा हेवेसांनल.

शब्दखुणा: 
Group content visibility: 
Public - accessible to all site users

श्री
अरे पोरा, सत्तरी ओलांडली रे बाळा मी,
कुठल्या टवाळखोराशी नातं जोडतोस राजा !
येत जा अधून मधून असाच.. Happy

लईच भन्नाट. हा नक्कीच साजिर्‍या असणार. ( आता अफवा पसरवू नका असे सांगत दांडके आपटीत फौजदार येणार !)

>>>> अरे पोरा, सत्तरी ओलांडली रे बाळा मी, <<<<<
आँ? (मजा मारायला) गोव्याला गेलात काय? मग तस सरळ सांगायच ना.... .. Proud

आवडले ठुबा

सुचनेनुसार नि आणि अ वाचायसाठी म्हणून पाहू जाता नि आणि अ दिसून वाचले तेव्हा कळले की सगळा लेख आधीच वाचून झाला.
अशा रितीने आमचा कात्रजचा घाट करण्यात आल्याचे कळले तस्मात तुम्ही विशिष्ट गावचेच आहात या बद्दल खात्री पटली आहे. तुम्ही त्या गावचेच नाही असे दाखवू नका Wink

मस्त !

Pages