वाघाचं भगवेकरण

छत्तीसगढमधल्या वाघांनी बीफ खावं की खाऊ नये याबद्दल वाद सुरू झाला आहे. वाघ बीफ खातात म्हणजे ते सेक्युलर म्हणजेच हिरवे असावेत अशी शंकी त्यामागे असण्य़ाची दाट शक्यता आहे. वाघ हे तर देवीचं वाहन आहे. त्यामुळं भक्तांना हिरवा वाघ कसा पसंत पडावा ? पण बीफ खाणारा असू दे किंवा गवत खाणारा असू दे वाघ हा वाघच असतो. वाघाशी ना दोस्ती बरी ना दुश्मनी असं महाराष्ट्रात म्हणतात. गवत खाणारा असला तरी वाघाच्या जबड्यात हात घालणे ही एक अर्धवट कवीकल्पना आहे, कारण गवत खाणारा वाघ दुर्दैवाने अस्तित्वात नाही. अर्थात विदर्भात असे वाघ असतील तर कल्पना नाही.

वाघाला सुसंस्कारीत करणे गरजेचे आहे. त्याने इतरांच्या भावना दुखावू नयेत. इतर सर्व प्रकारचं मांस उपलब्ध असताना बीफ का खावं ? शिवाय गेल्या दीड वर्षांपासून मनुष्य या प्राण्याचं मांस वारंवार उपलब्ध होऊ लागलेले आहे. हे मांस खाल्ल्याने कुणाच्याही भावना दुखावत नाहीत, कारण ते कुणी वाली नाही अशा प्राण्यांचे असते. खरं तर मनुष्यप्राण्यातही श्रेष्ठ मांसाची वर्गवारी असते. पण अधिक रुचकर मांस मिळवण्यासाठी वाघाला जंगल सोडून नगरात घुसावे लागेल. वेगवेगळ्या वस्त्यांचा अभ्यास करावा लागेल. भक्ष्याच्या खाण्यापिण्याच्या सवयींचा अभ्यास करावा लागेल.

पण वाघ हा अशिक्षित अडाणी ठोकळा. तो एव्हढं करेल का ? यज्ञात समिधा म्हणून वापरले जाणारे मांस आणि जंगलाच्या कडेवरच्या गावातल्या सर्वच प्राण्यांचे मांस यात तो फरक करत नाही. म्हणजेच तो कायम सेक्युलर राहणार असं दिसतंय. लाल रंग त्याचा आवडता असल्याने त्याचे भगवेकरण करणे शक्य आहे हा आशावाद पण चुकीचा नाही.

छत्तीसगाढचे वाद वाघाच्या भोव-यात अडकले असताना महाराष्ट्रात मात्र वाघाच्या मनोरंजनासाठी नवे वगनाट्य आले आहे. वाघोबा पेंढारकर आणि वटवट कमळी :- सह मिशा़ळ नागपूरकर , फड व्यवस्थापक अनवीस, या लोकनाट्याचे प्रयोग लौकरच सुरू होणार आहेत.

फिलहाल या वादात वाघाचं म्हणणं काय हे कळावयास मार्ग नाही.

http://www.bbc.com/hindi/india/2015/10/151031_chhattisgarh_zoo_beef_ps?o...