शून्यमाळा

लाल तारेसारखा तो कोंडला माझा जिव्हाळा
या नभाच्या पार होतो ..शून्यमाळा.. शून्यमाळा..... हे अतिशय छान

सूर्यसूत्रे बदलणारे --- असं आहे का?

बद्ध भू शी सिद्ध तरी उल्लंघण्या सार्‍याच कक्षा >>>मस्तच.
छान.

वेगळ्याच आशय, विषयामुळे आवडली.

खूप मस्त
शून्यमाळा हे शीर्षक शोभून दिसेल असं वाटलं ....... हा शब्द खूप सुन्दर आहे

वेगळी आहे.. आवडली!

मला समजायला जरा बोजड झाली.

किरण जेथे विरहमापन ती जुनी घुमटी निळी
आदि नाही अंत ना अस्तित्वशाळा मोकळी

लाल तारेसारखा तो कोंडला माझा जिव्हाळा
या नभाच्या पार होतो ..शून्यमाळा.. शून्यमाळा..
>>>
ह्या ओळी डोक्यावरून गेल्यात. कुणीतरी उलगडा प्लीज.

निंबुडा +१

दुर्बोध विषयावरची कविता आहे.

शून्यमाळा हा शब्द आवडला. पण अर्थ काय अपेक्षित आहे हे समजत नाही.

अवांतर :
कविता दुर्बोध नाही. विषय आहे. ही कविता जर्नेलिझम करते. म्हणून ती सोपी हवी. दुर्बोध म्हणून हिणवल्या गेलेल्या कविता या गूढवादी असल्याने सर्वसामान्यांना समजणे अपेक्षित नाही.

मुंगी उडाली आकाशी..

हे गाणं कितीदा तरी ऐकलेलं असेल पण अर्थ सांगा म्हटलं कि तारांबळ उडते. कारण त्यात प्रतिमांची, रूपकांची रेलचेल आहे. या गूढवादी कविता शक्यतो अध्यात्मातील प्रतिमांमधे गुंफलेल्या असल्याने अध्यात्म वगैरे विषयांत गती असलेल्यांना थोड्याशा प्रयत्नातच त्याचा उलगडा होतो. पौराणिक कथा, सूक्तं हे सर्व प्रतिमांमधूनच उलगडतं.

ना. घ. देशपांडे सारख्या मागच्या पिढीतल्या कवीच्या कविता असोत किंवा कवी बी यांची चाफा बोलेना असो. मुंगी उडाली आकाशी असो किंवा रस्त्यात कोणसा आंधळा गातो हे बा. भम. बोरकरांचं गीत असो. सहजासहजी न उलगडणारे असेच प्रतिमाविषय आहेत. विंदांची वेडी तर झटकन समजायचीच नाही. स्वतःच्या दु:खाला भरजरी प्रतिमांनी सुंदर बनवलेले ग्रेस हे माझे आवडते कवी. ते याच परंपरेतले. माझ्या विपुमधे ते स्वतःच्या कविता उलगडून सांगतानाचा व्हिडीओ आहे.

या कविता गूढ आहेत पण देखण्या आहेत. शब्दसौंदर्य, गेयता, माधुर्य असं काही नं काही त्यात असल्याने त्या आवडतात. अर्थ देखील समजला समजला म्हणताना हातातून निसटतो असा अनुभव येतो.
मात्र प्रस्तुत बाफवरच्या कवितेचा उद्देश एखादी घटना सांगणे असा असल्याने इथे दुर्बोधता अपेक्षित नाही. स्तुतीपर कविता, भाटकवन, प्रसंगवर्णन, काव्यकथा या सोप्याच असतात. असाव्यात असं म्हणत नाही.

किरण... , प्रतिसाद आवडला
धन्स रे !!

कळली नाही, पण तरीही आवडली.
काही कविता अश्या असतात, ज्या केवळ अनुभूतीसाठी असाव्यात. त्यांचा अर्थ शोधणे अनावश्यक वाटते. तसं काहीसं जाणवलं..

ही ग्रेसांच्या जात कुळीतील नाही हे तुम्हीही जाणता कारण तिथे अर्थ निर्णयनच होत नाही तसे इथे नाही.

ग्रेसांच्या कवितेत अर्थ निर्णयन होत नाही असं तुमचं म्हणणं आहे ज्याच्याशी मी सहमत होऊ शकत नाही. पण तुमच्यापुरतं ते समजून चालूयात. मात्र, माझ्या पोस्टमधे इतरही कवितांचा आणि कवींचा उल्लेख केला आहे. त्यांचा अर्थ आपल्याला उमगलेला आहे असं तुमच्या पोस्टवरून वाटतंय. तुम्हाला उमगलेला अर्थ इथे उद्धृत करावा ही नम्र विनंती. विशेषतः मुंगी उडाली आकाशी आणि रस्त्यात कोणता आंधळा गातो या कवितांचे अर्थ जाणण्याची इच्छा आहेच. विंदांच्या वेडीचा अर्थही जाणून घेण्याच्या प्रतिक्षेत आहेच

मुक्ताबाईंची मुंगी अध्यात्मप्रांतातील अ‍ॅब्सर्डिटी..तिचे निकष वेगळे.

म्हणजे काय ? दुर्बोधता नाही का ?

अगा जे घडलेची नाही तयाची वार्ता पुससी काई.. मिथ्या,अस्तित्वात नसलेल्या मायेने, (मुंगीने) ,सूर्याला (ब्रह्मजाणिवेला) गिळून टाकले हा मुक्ताबाईंच्या अनुभवाचा विषय आहे,

ग्रेट !!
धन्यवाद

मिथ्या,अस्तित्वात नसलेल्या मायेने>>>>>>>

माझे मत - माया नक्कीच अस्तित्वात आहे!!

ज्या वस्तू अस्तितवात नाहीत त्या आहेत व ज्या आहेत त्या नाहीत असा भास जीवाच्या ठायी उत्पन्न करणे हे तिचे काम आहे म्हणजे मोहाचे आवरण जीवाच्या भोवती निर्माण करणे होय ज्यात तो जीव (ओघानेच , त्याच्या सोबत जोडला गेलेला आत्माही ) गुरफटून जाईल अशी ही व्यवस्था आहे !!

माया ही अस्तित्वात नसलेली गोष्ट आहे असे म्हणण्यापुरते का होईना तिचे अस्तित्व मनामध्ये काल्पावेच लागते ना? -होय,,!!
माझ्या माहितीप्रमाणे एखाद्या वस्तूवे अस्तित्वात नसणे हा त्या वस्तूचा एक गुणधर्म आहे आणि ज्या अर्थी गुणधर्म आहे म्हणजेच ती अस्तित्वात आहे !!

हीच गोष्ट पुढे निरीश्वरवादास ही लागू पडते
देव नाही नाहे हे सिद्ध करण्यापुरेते त्याचे अस्तित्व मान्य करावेच लागते
तो आहे हे मानून चालले तरच मग तो कसा नाही आहे हे सिद्ध करता येते
तो नाहीच आहे नाहीच आहे असे घोकल्याने तो नाही आहे हे सिद्ध होत नाही त्याकरता सत्य व ज्ञान(सुन्दर) यांचा आधार पुराव्यासाराखा घ्यावा लागतो !!

तात्पर्य मिथ्या म्हणजे खोटी /असत्य जी त्या सत्यापासून (ईश्वर)आपल्याला दूर ठेवते याचा अर्थ ती अस्तित्वात नाही असा नव्हे !!
__________________________________

असो !!
सत्यं शिवं सुंदरम ...या एका वाक्यात किमान ५० लोक ५० प्रकारे अर्थ काढू शकतात जे कुणालाही बरोबरच वाटतील ; याचा अर्थ तो प्रत्येक अर्थ सत्य आहे असा नाही

अंतिम सत्य एकच आहे ते एकच असाणार असे मलातरी वाटते !!!

बद्ध भू शी सिद्ध तरी उल्लंघण्या सार्‍याच कक्षा
>>> भूशी असं हवंय माझ्यामते!

कविता आवडली. शून्यमाळा शब्दयोजनाही समर्पक!
शुभेच्छा..

फारच छान ! शून्यमाळा हा शब्द प्रयोग फारच आवडला !!

मस्त कविता! पटकन रीलेट करु शकलो! एकदम भारी भारतीताई!
या नभाच्या पार होतो ..शून्यमाळा.. शून्यमाळा..>>>>> पटलंय!