चुहा बना शेर

स्थळ : ऑफिस - बॉसच्या केबिन बाहेरचा परिसर
अजय : ए चंदर बॉसची दुपारी साडे तीन वाजता मिटिंग आहे, तो संद्याकाळी काही परत येईल असं वाटत नाही, चल आपणही हाफ डे कल्टी मारून मस्त एक पिच्चर टाकूया.
चंदर : आज नको रे, मला हि फाईल कम्प्लीट करायची आहे.
अजय : अरे चल ना यार, काय भाव खातो ? ती शीतल आली तर आत्ता उड्या मारत येशील.
चंदर : तू असं कर ना, त्या मिनलला घेऊन जा सिनेमाला.
मिनल : वाव मस्त प्लान य, अजय चल खरंच जाऊया आपण !
अजय : ठीक य, तू आधी त्या शीतलला विचार, ती आली कि चंदर एका पायावर तयार होइल.
मिनल : पण त्याचा आता काही उपयोग नाही.
अजय : का ?
मिनल : अरे शीतल बॉसबरोबरच मिटींगला चाललीय,
चंदर : काय ?
मिनल : हो, माहितीय मला,
अजय : पण ती आपल्याला काहीच बोलली नाही.
मिनल : अरे मिटींग वगैरे काही नाही, ते दोघं लंचला बाहेर चाललेत आणि बॉस आज तिला प्रपोज करणार आहे.
चंदर : काय ? आणि हे तुला आधीच माहित होतं ?
मिनल : हो बऱ्याच दिवसांपासून त्याचं डेटिंग चाललंय.
अजय : तरी तुला सांगत होतो वेळ घालवू नकोस, पाहिलस ना कासवा इथेही ससाचं जिंकला.
चंदर : जाऊ दे यार, चुकलच माझं, मी या आधीच शीतलला विचारायला हवं होत.
मिनल : अरे पण अजूनही वेळ गेलेली नाहीय, आत्ताही तू विचारू शकतोस.
चंदर : पण ती तर बॉस बरोबर ss
अजय : अरे पण तू विचारून तर बघ एकदा, त्यांना निघायला अजून दीड तास बाकी आहे.
चंदर : बरं ss बघतो प्रयत्न करून
मिनल : अरे फार-फार तर काय ती नाही म्हणेल आणि काय ? ए शीतलss या चंदरला बघ तुला काहीतरी विचारायचंय.
( आतून शीतल बाहेर येते आणि चंदरला विचारते )
शीतल : काय रे चंदर, काय झालं ? काय विचारायचंय ?
अजय : अरे बोल ना साल्या, हा तुझा शेवटचा चान्स आहे.
चंदर : हा थांब ना यार विचारतो.
शीतल : चंदर काय विचारायचंय ते लवकर विचार ना ? मला आत खूप कामं आहेत.
चंदर : शीतल तु बॉस बरोबर मिटींगला बाहेर जाणार आहेस का ?
अजय : बघ साल्याने विचारून - विचारून काय विचारलं तर, अरे मघाशी काय ठरवलंयस ? घाबरतोस कशाला विचार ना डायरेक्ट काय ते ?
चंदर : हो थांब ना विचारतो यार, तूss तू ss
शीतल : अरे बोल न चंदर लवकर काय ते ?
चंदर : शीतल तू आज माझ्याबरोबर दुपारी लंचला बाहेर येशील ?
शीतल : का नाही येणार, अरे पण तू हि साधी गोष्ट विचारायला इतका वेळ घेतलास ?
अजय : आयचा घो, देखा चुहा भी शेर बन गया !
शीतल : वेडाच आहेस, मला माहितीय मी तुला आवडते, आपण रोज एकत्र घरी येतो-जातो, मलाही तू खुप आवडतोस, रोज मला वाटायचं आज तरी तू मला प्रपोज करशील पण तू आपला गप्पच, म्हणून आज आम्हाला हे सगळ नाटक कराव लागलं.
मिनल : हेय कॉंग्रॅच्युलेशन्स चंदर, सेलिब्रेशन व्हायला पाहिजेss
चंदर : thanks यारsss, OK… आज माझ्याकडून तुम्हा सर्वांना लंच पार्टी !