विदुषी पद्मा देशपांडे आणि सुधा केदार

यावर्षी सवाई ला जायला मिळाले नाही त्यामुळे बरंच काही मिसंलं. थोडे विडीओज यु ट्युबवर आहेत. ते शोधताना पद्मा देशपांड्यांचा हा व्हिडीओ सापडला.कुठे टाकावं ते कळलं नाही म्हणुन नवीन धागा काढला.

https://www.youtube.com/watch?v=HoTew-nVkb8

त्यांची नवनिर्मिती राग सुधा केदार. त्यात केदार आणि यमन यांचा सुंदर संगम आहे. मी परवा चंद्रनंदन मध्ये म्हटलं तसं, या नवीन रागात देखील स्वतःचं अस्तित्व आहे. भयंकर आवडला. वाईट वाटलं की पद्माताईंनी १० मि. च सादर केला. त्यांच्या आवाजाला एक तिखट धार आहे, त्यात तीव्र मध्यम उठुन दिसतोय. तोच स्वर इथे यमन आणि केदारला जोडतो. अशावेळी स्वतःचा सतारीचा अगदी नवीन शिष्य म्हणुन राग येतो. जर सतार सुंदर वाजवता आली असती तर....... या रागातला आलाप किती सुंदर वाजेल सतारीवर. विषेशतः यमन आणि केदार हे दोन्ही प्रचंड राग आहेत. आणि त्यांच्या या युतीचा आवाका केव्हढा मोठा असेल. जेव्हा कधी बरी सतार वाजवता येईल तेव्हा ह्या रागाच जरा अभ्यास करीन. नक्की ऐका सर्वानी! ऐकताना शुभ कार्याच्या आदल्या दिवशीची रात्र असल्यासारखं वाटलं!