आता कशाला शिजायची बात - बाईमाणूस - रंगीनी

Submitted by बाईमाणूस on 8 September, 2014 - 00:06
प्रत्यक्षात लागणारा वेळ: 
३० मिनिटे
लागणारे जिन्नस: 

अननस - अर्धे,
लहान टरबूज- अर्धे,
पुदिना -१०-१२ पाने
लिंबू, साखर, चाट मसाला, मीठ - चवीनुसार
तयार पेय:- साधा सोडा छोटी बाटली (५०० ml)

क्रमवार पाककृती: 

१ टरबूज आणि अननसाचे बारीक तुकडे करा.
२. त्यातले निम्मे बाजूला काढून ठेवा.
३ पुदिना बारीक चिरा.
४.लिंबाचा रस काढून त्यात साखर मिसळा. मिश्रण घट्ट वाटत असल्यास त्यात थोडे पाणी टाका. चवीनुसार मीठ,चाट मसाला टाका.
५. आता टरबूज, अननसाचे तुकडे मिक्सर मधून प्रत्येकी क्रश करा.
६. तयार फळांचा पल्प बर्फाच्या साच्यात सेट करायला फ्रिजर मध्ये ठेवा.
७. चिरलेला पुदिना थोड्या पाण्यात मिक्स करुन तोदेखील बर्फाच्या साच्यात सेट करायला फ्रिजर मध्ये ठेवा.
८. फळांचे पल्प सेट झाल्यावर आता निम्मे काढून ठेवलेले फळांचे तुकडे व फ्रिजर मधील पल्प हे एकत्र करा. टरबूज, अननस प्रत्येकी मिक्सर मधून थोडे क्रश करा.
९. लिंबाचा रस आणि फ्रिजर मध्ये सेट झालेल पुदिना हे मिक्सर मधून थोडे क्रश करा.
१०. आता एका उभट ग्लास घ्या.
११. त्यात प्रथम अननसाचे क्रश मिश्रणाचा थर द्या.
१२. आता त्यावर टरबूजाच्या मिश्रणाचा थर द्या.
१३. सगळ्यात वर पुदिन्याचा थर द्या.
१४. तयार झालेल्या थरांवर आता एका बाजुने सावकाश सोडा टाका.
१५.सजावटीसाठी एक लिंबाची फोड खोचा/पुदिन्याची एक-दोन पाने ठेवा.

वाढणी/प्रमाण: 
अधिक टिपा: 

आपल्या आवडीची फळे घेवून वेगवेगळी रंगसंगती आणि चवीत बदल करु शकतो.

माहितीचा स्रोत: 
स्वप्रयोग
आहार: 
पाककृती प्रकार: 
Group content visibility: 
Public - accessible to all site users

वाह!

महान दिसतंय. चवीलाही भारी लागेल हे रंगीनी. नाव आवडलं. बीच डोळ्यापुढे आला. बिकीनी / टँकिनी आणि हातात रंगीनी!

टरबूज वापरलंय की कलिंगड? रंग कलिंगडाचा आलाय. उत्तरेकडे टरबूज = कलिंगड आणि खरबूज = टरबूज असं आहे त्या लॉजिकनुसार आहे का?

आवडल्याबद्दल धन्यवाद सगळ्यांना.

टरबूज = कलिंंगड
मी कलिंगड वापरले आहे Happy

तृप्ती, सायो पुढच्या गटग ला नक्की आणेन.

Pages