सुंदरसे रुखवत
देण्याघेण्यावरुन अनेक नवविवाहीतांना खुप छळ सहन करावा लागतो. अगदी बाई नवविवाहीत असते तेंव्हा पासुन ते तीच्या पोराबाळांच्यालग्नात सुध्दा तिच्या लग्नातल्या देण्याघेण्याचा उध्दार केला जातो. आज मात्र काही वेगळेच ऐकले.
कॉलेजमध्ये गेले तेंव्हा आमच्या जोशी मॅडम भेटल्या. त्या काल एक लग्नाला जायच्या होत्या. आज त्या लग्न कसं झालं हे सांगायला लागल्या तेंव्हा क्षणभर मी दुर्लक्ष केलं कारण लग्न म्ह्टले की मानपान, साड्या, दागीने, जेवण हेच तर विषय असतात आणि त्यावर खुप गप्पा माराव्यात असे काही मला वाटले नाही.त्यामात्र खुप उत्साहात सांगत होत्या. “ मॅडम, अहो काल लग्नाला गेले होतेना, तीथे रुखवत इतकं छान होतं, असं मी कधीच पाहीलं नव्हतंहो! मी गप्पच. म्हटलं काय पुर्वीच्या काळी मुलींना आपल्या अंगचे कला, गुण, कौशल्य लोकांना कळण्याचा काहीच मार्ग नव्हता. असे छान गुण, कला लोकांपर्यंत विशेषता ही मुलगी ज्या घरची सुन होणार आहे त्यांना कळावे हा खरा रुखवताचा उद्देश होता. अलीकडच्या काळात मात्र काहीजणांनी त्याचाही बाजार मांडला आहे.
जोशी मॅडमचा उत्साह मात्र वाढतच होता.”मॅडम रुखवतात काय असेल सांगा बरं? मी फक्त प्रश्नार्थक चेहेरा केला.त्या सांगायला लागल्या “ अहो मुलाकडच्यांनी सांगीतले की आमच्याकडे सर्वकाही भरपुर आहे. आम्हाला रुखवत वगैरे काहीही नको. मुलीच्या वडीलांनी तरिही छानसे रुखवत मांडले. आपल्या लाडक्या लेकीच्या वाचनाची आवड स्मरुन रुखवतरुपाने अनेक पुस्तके मांडली होती. त्यात सगळ्या प्रकारची पुस्तकं होती. पाकशास्त्र, ललित, आत्मचरित्र,प्रवास वर्णनं,माहितीपर…… मला एकडम भरुन आलं. मनातल्या मनात त्या मुलीच्या वडीलांना मी मनापासुन नमस्कार केला.लाडु, चिवडा, शेवयाची शिदोरी लेकीला फारतर वर्षभर पुरली असती.पण या द्रष्ट्या पित्याने आपल्या लेकीला जन्मभर पुरेल अशी शिदोरी दिली.त्यापुढे त्या नववधुला मी सांगेन “बाईग तुझ्या पित्याने जो वसा घेतला तोच तु पण घे. ऊतुनको मातु नको घेतला वसा टाकु नको. त्याच त्या स्टाफरुमचा कोपरा एकदम लख्ख प्रकाशानं भरुन गेलाय असं मला वाटलं आणि असंही वाटलं आता खरी पहाट झाली, नक्कीच थोड्यावेळात उजाडु लागेल.
सुंदरसे रुखवत
Submitted by सुभाषिणी on 28 June, 2014 - 11:08
विषय:
Groups audience:
Group content visibility:
Public - accessible to all site users
शेअर करा
किति सुंदर लिहिलय, वा मस्तच
किति सुंदर लिहिलय, वा मस्तच