मंडळी, गोष्ट हा आपणा सर्वांच्याच जिव्हाळ्याचा विषय! आपल्याला सगळ्यांनाच गोष्टी ऐकायला, सांगायला फार आवडतं. बच्चेकंपनीला तर गोष्टी भारीच प्रिय! अनंत पै यांच्या अमर चित्र कथा असोत वा चाचा चौधरी, फँटमची कॉमिक्स असोत, लहान मुलं या चित्रगोष्टींत अगदी रमून जातात.
छोट्या दोस्तांची हीच आवड लक्षात घेउन यावर्षीच्या मराठी भाषा दिवस २०१४च्या निमित्ताने आम्ही घेऊन आलो आहोत एक खास उपक्रम - 'चित्रकथा'!
तुम्हाला आम्ही काही चित्रे देणार आहोत आणि या चित्रांतून सुचलेली गोष्ट तुम्हाला तुमच्या शब्दांत मराठीतून लिहायची आहे. म्हणजे ती चित्रं तुम्ही मन लावून पहायची आणि मग गोष्ट लिहायची. आता चित्रं तीच असली तरी प्रत्येकाची गोष्ट वेगळीच आणि छानदार असू शकते की नाही? तेच हवंय आम्हाला!
तर पेन / पेन्सिल सरसावून आणि मन एकाग्र करून तयार व्हा बरं ही गोष्ट लिहायला! तुम्हाला लिहिताना मजा येणार आहे आणि आम्हांला वाचताना!
नियम :
१. ही स्पर्धा नसून उपक्रम आहे.
२. हा उपक्रम फक्त मायबोली सदस्यांच्या पाल्यांसाठीच खुला आहे.
३. मायबोली सदस्यांच्या मित्रमंडळी / नातेवाईकांच्या पाल्यांना यात भाग घ्यायचा असल्यास त्यांच्या पालकांना मायबोली सभासद व्हावे लागेल.
४. उपक्रमात सहभागी होण्यासाठी आपल्याला 'मराठी भाषा दिवस २०१४' ह्या ग्रूपचे सदस्यत्व घ्यावे लागेल.
५. या उपक्रमात चार चित्रे देत आहोत. आपल्या पाल्यांनी त्यातील कोणतेही चित्र निवडून त्याबद्दल लिहिणे अपेक्षित आहे.
६. एकापेक्षा जास्त चित्रांवर लिहिल्यास स्वागत आहे.
७. दिलेल्या चित्रावर पाच ते दहा ओळी मराठीतूनच स्वहस्ताक्षरात पाल्याने स्वत: लिहायच्या आहेत. अधिक लिहिल्यास उत्तम. शुद्धलेखनात पालकांच्या मदतीला हरकत नाही, तसेच पालकांनी मुलांकडून गिरवून घेतले तरी चालेल.
८. पालकांनी मुलांना मार्गदर्शन करावे पण मुख्य विचार व शब्द मुलांचेच असावेत.
९. मायबोलीकरांच्या वय वर्षे ५ आणि त्याखालील पाल्यांसाठी कथेचे ध्वनीमुद्रण स्विकारले जाईल. मात्र ५ वर्षांपेक्षा मोठ्या पाल्यांकडून लिखित स्वरुपातील कथा अपेक्षित आहे.
१०. हा उपक्रम २६ ते २८ फेब्रुवारी २०१४ पर्यंतच खुला आहे.
****************************************************************************************************************
चित्र क्र. १ : क्रीडा-दिन / खेळांच्या स्पर्धेचा दिवस
चित्रसंकल्पना : मितान, चित्रकार : यशस्विनी
चित्र क्र. २ : गावाचा देखावा
चित्रसंकल्पना : मितान, चित्रकार : यशस्विनी
चित्र क्र. ३ : मंडई
चित्रसंकल्पना : मितान, चित्रकार : यशस्विनी
चित्र क्र. ४ : जत्रा
चित्रसंकल्पना : मितान, चित्रकार : सावली
****************************************************************************************************************
या उपक्रमांतर्गत लिहिण्यासाठी धागा कसा उघडावा याबद्दल काही सूचना :
१. या उपक्रमातील धागे २६ फेब्रुवारी ते २८ फेब्रुवारी या तीन दिवसांतच काढावेत.
२. त्याकरता या पानाच्या उजवीकडे दिसणार्या 'मराठी भाषा दिवस २०१४' या निळ्या शब्दांवर टिचकी मारा. नंतर "सामील व्हा" या शब्दांवर टिचकी मारा. आता आपण 'मराठी भाषा दिवस २०१४' या ग्रूपचे सभासद झाला आहात.
३. याच ग्रूपमध्ये उजवीकडे "नवीन लेखनाचा धागा" या शब्दांवर टिचकी मारा. नवीन लेखनाचा धागा उघडला जाईल.
४. त्यात "शीर्षक" या बॉक्समध्ये खालीलप्रमाणे विषय लिहावा :
चित्रकथा (क्रमांक) - - स्वतःचा मायबोली आयडी -- पाल्याचे नाव
५. विषय या बॉक्समध्ये ड्रॉपडाऊन मेन्यूमधून 'मायबोली - उपक्रम' हा पर्याय निवडा.
६. "शब्दखुणा" या बॉक्समध्ये 'चित्रकथा - मराठी भाषा दिवस २०१४' हे शब्द लिहा.
७. मजकूरात आपण निवडलेले चित्र व त्या चित्रावर लिहिलेले लेखन असे दोन्हीही अपलोड करावे
त्यासाठी दिलेल्या चित्राची प्रिंटआउट काढून घ्यावी. लिहून झाल्यावर scan करून दोन्हीही कागद इथे अपलोड करावेत.
८. नविन लेखनाच्या धाग्यावर सर्वांत खाली 'Save' या बटणाच्या वर " ग्रूप" असा शब्द दिसेल, त्यावर टिचकी मारा. सार्वजनिक या शब्दाच्या आधी असलेला बॉक्स क्लीक करा. म्हणजे तुमची प्रवेशिका सर्वांना दिसू शकेल.
९. Save चे बटण दाबा. कधी कधी सेव्ह व्हायला वेळ लागतो, त्यामुळे थांबा. तुमची प्रवेशिका प्रकाशित होऊन
सगळ्यांना दिसू लागेल.
आम्ही सर्व उत्सुक आहोत बच्चेकंपनीच्या गोष्टी वाचायला ......
सर्व मायबोलीकरांना मराठी
सर्व मायबोलीकरांना मराठी दिनाच्या हार्दिक शुभेच्छा!
संयोजक, मुळ मजकुरातले पोस्टर
संयोजक, मुळ मजकुरातले पोस्टर थोडे छोटे करा. बाजुच्या लिंक्स दिसत नाहीयेत. नविन धागा काढायला फार त्रास होतोय.
सावली, धन्यवाद. बदल केला आहे.
सावली, धन्यवाद. बदल केला आहे.
जास्तीत जास्त मुलांना भाग
जास्तीत जास्त मुलांना भाग घेता येईल असा बदल केल्याबद्दल संयोजकांना धन्यवाद >>> +१
सर्वच चित्र सुंदर आहेत.
संयोजक, चित्रकथेसाठी शांडिल्यच्या २ प्रवेशिका मेलसोबत पाठविल्या आहेत.
सर्व मुलांनी दणक्यात गोष्टी
सर्व मुलांनी दणक्यात गोष्टी लिहिल्या आहेत, सांगितल्या आहेत. सर्वांचे एकत्र अभिनंदन!!
Pages