सावध...

Submitted by मी मुक्ता.. on 24 February, 2014 - 00:56

इतरांच्या मनाचा विचारच न करणारी
तू नसशील आत्ममग्न स्वार्थी...
आणि तू आताही नाहीयेस,
त्याच्यासाठी आयुष्य वेचशील अशी त्यागाची मूर्ती..
तुझ्यात शोधेल तो तुझीच रुपं,
जशी त्याला दिसायला हवी आहेत तशी..
पण हा साक्षात्कार होईपर्यंत तग धरता येईल का तुला..?
विदिर्ण होऊन जातो गं आत्मा.. शब्दांचे वार व्हायला लागले की,
सावरायची सवडही न देता..
म्हणून म्हणतेय,
सावध हो...
कितीही लोभसवाणं वाटत असलं तुला आता,
शब्दांतून सजणारं तुझं अस्तित्व,
तरी त्या वाटेला नको जाऊ ..
काहीही हो, पण नको होऊ,
कोण्या लेखकाची कल्पना..
कोण्या कवीची कविता..
--------------------------------------------------------------------------------------
http://merakuchhsaman.blogspot.in/

विषय: 
काव्यलेखन
शब्दखुणा: 
मी मुक्ता
Groups audience: 
गुलमोहर - कविता
Group content visibility: 
Public - accessible to all site users
शेअर करा

ज्या कविता / रचना वाचून 'आपणही काही म्हणावे' असे वाटू लागते त्या कविता / रचना (माझ्यामते) श्रेष्ठ ठराव्यात.

Submitted by बेफ़िकीर on 24 February, 2014 - 01:08

व्वा ! भावनेला चेतनागुणोक्तीने अलंकृत करणं आवडलं...... छान संकल्पना.

Submitted by UlhasBhide on 24 February, 2014 - 01:39

तुझ्यात शोधेल तो तुझीच रुपं,
जशी त्याला दिसायला हवी आहेत तशी.. >>>>> जबरी....

सगळी रचनाच जबरदस्त ......

Submitted by पुरंदरे शशांक on 24 February, 2014 - 01:41

सर्वांचे खूप खूप आभार.. Happy

बेफिकीर,
ज्या कविता / रचना वाचून 'आपणही काही म्हणावे' असे वाटू लागते त्या कविता / रचना (माझ्यामते) श्रेष्ठ ठराव्यात.>> यासाठी खास आभार.. Happy

Submitted by मी मुक्ता.. on 24 February, 2014 - 07:16

वा! छान लिहलय!

मला एका वेड्या शायराचा शेर आठवला!

मेरे सुखन की दाद भी उसको ही दिजीये
वो जिस की आरजू मु़झे शायर बना गई

(सुखन = शब्द,काव्य)

जयन्ता५२

Submitted by जयन्ता५२ on 24 February, 2014 - 11:26

आवडली Happy

Submitted by हर्षल_चव्हाण on 24 February, 2014 - 12:17