सुरंगी

जागू, काय जळवायचा सपाटा लावलाय

मस्त फोटो अन वर्णन. झाड खूप काटेरी असतं असं ऐकलेलं. खरंय का ?

गजरे मस्त आहेत. मी कधी ऐकलं नव्हतं ह्या फुलांविषयी.

सुरंगी! किंचित उग्र वास असतो हिचा. कित्ती दिवसांनी पाहिली!

जागू, तुझे आभार मानावे तितके थोडेच!

सुरंगी अश्या नावाचे झाड असते आणि त्याच्या फुलांचा गजरा करतात ही नवीनच माहिती कळली. गजरा एकदम मस्त पिवळाधमक दिसतोय. आधी कधी बघीतले नव्हते हे फूल. किनारपट्टीच्या भागात येतात वाटतं ही झाडं.

तुमच्या नवरदेवाला हात जोडून प्रणाम तुम्ही बायकोसाठी एवढ करता सांगितल्या प्रमाणे

गजरा खूप आवडला

मस्त फोटु ,
आधी वाटलं सुरंगी नावाचा मासा आहे की काय ? जागु मासे सोडुन कुठं ह्या फुला बिलांच्या नादात पडलीस .

चैत्राची सुगंधीत चाहुल ......

फोटोतुनच सुगंध श्वासात भरुन घेतला, आता पुर्ण दिवस सुगंधी

त्रिवार धन्यवाद जागू मला पण हवा एक गजरा

असुदे हा हा बरोब्बर! कोंकणात वळेसारच म्हणतात... मी विचारलेलं मागच्या वेळी साबांना!

नाकात मिरमिरवणारा वास असतो ना याला?
आतापर्यंत वाचलं-ऐकलं होतं, इन फॅक्ट पाहिलंही होतं हे फूल पण त्यालाच सुरंगीचे फूल म्हणतात हे मात्र ठौक नव्हतं.
संस्कृतमध्ये 'पुन्नग' म्हणतात याला.

कित्ती सुंदर गजरा... उचलून लगेच माळावासा वाटतोय

जागू, तुला आणि तुझ्या मिस्टरांना धन्यवाद, इतकी चांगली माहिती आमच्यापर्यंत पोहोचवल्याबद्दल.

अतिशय सुंदर फोटोज

सुरेख...छान माहिती आणि फोटो पण झक्कास.
लेखाचं शीर्षक वाचल्यापासून काहीतरी आठवायचा प्रयत्न करतेय. कुठल्यातरी आवडलेल्या कादंबरीत सुरंगीच्या वळेसरांचा खूपदा उल्लेख होता....लेखक ? रणजित देसाई ?....आता आठवल्याशिवाय चैन नाही पडणार.

ड्रिमगर्ल, कोकणात आणि गोंयात सुरंगीचे आणि आबोलीचे वळेसार असतात, गजरे कधीच नसतात. तिथल्या बायका डोक्यात फुले कशी घालतात ते पाहिले तर आपल्याला चक्कर येईल. नारळाएवढा मोठा आंबाडा, त्यावर आबोलेचो वळेसार कलाबुत लावलेला , त्यावर सफेद शेवंतीची वेणी, कलाबुत आणि हिरव्या दो-यासकट आणि त्यावर हिरव्या पानांची वेणी.. लग्नात बघावे असले प्रकार.....

दोन वर्षांपुर्वीच्या गुढीपाडव्याला तिन दिवस ट्रेक करत कोल्हापुर्-आंबोली-कुडाळ फिरत होतो. वाटेत सुरंगीचे वळेसार घेऊन एकजण भेटली. १० रु ला १. पाच घेतले, दोन डोक्यात घातले आणि तीन गाडीत टांगले. अख्खी गाडी सुगंधाने घमघमायला लागली.

रुणुझुणु रणजित देसायांच्या कादंब-यात नसणार. जयवंत दळवींच्या कादंब-यात सापडेल. नाहीतर पेंडश्यांच्या

१० रु ला १. पाच घेतले, दोन डोक्यात घातले आणि तीन गाडीत टांगले. << एक मी घेतला
http://raanaphule.blogspot.com/2010/04/blog-post_5369.html

साधना, तू वर्णन केलेल्या बायकांच्या डोक्यातल्या सजावटीला आम्ही " फ्लॉवरपॉट " म्हणायचो
दळवी, पेंडसे....श्शा, जाम आठवत नाहीये. म्हातारी झाले.

वॉव्व! सुरंगीचा सुगंध मनात पुन्हा ताजा झाला!

हळूहळू काजळताना सांज ही सुरंगी...
तुझे भास दाटुनी येती असे अंतरंगी...

हे ऐकताना मी सुरंगीची फुलं इमॅजीन केली होती. तशीच वेड लावणारी सांज आणि वेड लावणारी सुरंगीची फुलं...

मस्त फोटो!!

जागू, परत एकदा जुने दिवस आठवून दिल्याबद्द्ल धन्यवाद. आताच मी कोकण ट्रिपला गेले होते, तेव्हा वाटेत सुरंगीचे वळेसर विकत घेतले. एक डोक्यात माळला, एक गाडीत लावला. पण................ त्याला फार वास नव्हता. त्यामुळे मी फार निराश झाले. फोटो नंतर टाकते.
हा बघ फोटो

ह्यावर खूपच मध माश्या असतात... माझ्याकडे नुकतेच एक झाड आणून लावले आहे.. अजून खूपच लहान आहे... पहिले फुल कधी येईल त्याची वाट बघतोय..

>>सुरंगीच्या कळ्या झाडाच्या खोडालाच लागतात

अरे सही! हे माहितच नव्हतं.

अहाहा!!! लय भारी. हा वळेसार ते.. माका होयो

जागु,
छान माहिती आणि फोटो.

आईकडून खूप ऐकलं होतं या वळेसरांबद्दल. पण तुझ्यामुळे पाहता आले. थँक्स जागू! फारच मस्त फुलं आहेत. काश फोटोजमधून त्यांचा सुगंध घेता आला असता.

खरच इथे सुगंध पोचला असता तर. मी परवाच आलो गोव्याहून. ही वेणी मला नाही दिसली. इतर दिसल्यात जशा की कमळाच्या फुलांच्या, अबोली, बकुळी, कुंदा, शेवंती.