हल्ली मी लिहित नाही तुझ्यावर काही (स्फुट)

Submitted by मी मी on 7 December, 2013 - 08:49

हल्ली मी लिहित नाही तुझ्यावर काही

उल्लेख तुझा ... हवाय कशाला ??

पूर्वी असायचा कवितेतल्या प्रत्येक ओळीत
शब्दा शब्दा मागे छुप्या भावनेच्या खोलात
अलगद हसून केलेला तुझा उल्लेख …

पण तेव्हा त्या ओळीत असूनही कुठे असायचास तू ….??

अन आज कुठेच नसतोस … तरीही असतोच ना?

उर्दू गझलेच्या काही शब्दांचे अर्थ संदर्भातून शोधावे लागावे
नाहीच मिळाले तर जुळवून घ्यावा अर्थ लागतो तसा
तसेच काहीसे …

तसेच काहीसे …

तुझ्या असण्याचे अन नसण्याचे संदर्भ
शोधूनही लागत नाही हल्ली…
संवेदना जाणवत राहतात …. फक्त

अन त्या संवेदनांचा न लागलेला अर्थ
शोधत राहते मग … प्रत्येक ओळीत

आणि म्हणूनच …

जाणून असणार्या या संवेदनांचा
उल्लेख करायचे सोडून दिलेय मी

हल्ली मी लिहित नाही तुझ्यावर काही …

विषय: 
शब्दखुणा: 
Group content visibility: 
Public - accessible to all site users

.

Malahi... Happy

Thaaanku Happy