लिहीन म्हणतो

Submitted by सतीश वाघमारे on 15 June, 2009 - 14:27

लिहीन म्हणतो तुझ्याचसाठी सुरेल कविता
मराठमोळी तुझ्यासारखी तजेल कविता

जरा किलकिले करा मनाचे कवाड रसिका
झुळूक थोडी तिला लागुद्या, फुलेल कविता

कठीण इतके असते का हो हसून बघणे ?
कुणी समजवा तिला- अजूनी जगेल कविता

कठोर वचने तिच्यासमोरी नकोस बोलू
सराव मजसारखा तिला ना- रुसेल कविता

नभात दिसता टपोर तारा वेडावुन मी
पहात बसतो-कधी मलाही दिसेल कविता !

गुलमोहर: 

छान

कठोर वचने तिच्यासमोरी नकोस बोलू
सराव मजसारखा तिला ना- रुसेल कविता

मस्त आहे..

मनोगतवरच्या आणि इथल्या व्हर्शन्स मधे बराच फरक आहे. आणि दोन्हीमधील काही काही कल्पना आवडल्या.

लिहीन म्हणतो - सुरेख...

*****
गणेश भुते
*********************
इंद्रधनुच्या रंगांमध्ये दंगणारी निरिक्षा दे
आभाळही भाळेल अशी नक्षत्रांची कक्षा दे
*********************

आवडली. मस्त ग़ज़ल!

शरद
.............................
"तुजसारखे कवी जे येतात रोज 'खावर'
बसतात गप्प सारे कोलाहलात इथल्या!"
............................

वा ! छान आहे.
सुरेल कविता Happy

सर्वांचे मनःपूर्वक आभार , सूचनांचं स्वागत आहे !

३ रा ४ था शेर मस्तच!! खुप छान!

*******************
सुमेधा पुनकर Happy
*******************

कठोर वचने तिच्यासमोरी नकोस बोलू
सराव मजसारखा तिला ना- रुसेल कविता...

केवळ अप्रतिम!

आवडली.
..सुसंगती सदा घडो, सुजनवाक्य कानी पडो..

आवडली गजल
तुम्हि मारा अजुन वरती मजल .

आपल्याला बरी वाटली, बरं वाटलं !

कठीण इतके असते का हो हसून बघणे ?
कुणी समजवा तिला- अजूनी जगेल कविता

कठोर वचने तिच्यासमोरी नकोस बोलू
सराव मजसारखा तिला ना- रुसेल कविता
हे २ खूप आवडले...
*********************
वाहत्या गर्दीत माझा चेहरा पाहू नको तू
मुखवटे आहेत तेथे, त्यात हा 'नचिकेत' नाही!

व्वाह!!!
पुलस्तीला अनुमोदन.. मस्त रे..
---------------------------------
देणार्‍याचे हात हजारो दुबळी माझी झोळी

पहिल्यान्दाच तुमची गझल वाचत आहे
त्यातून तुमची ओळख झाली खूप बरे वाट्ते आहे

"गझल असावी तर अशी!!" असे जे म्हण्तात ते बहुधा याच गझलेसाठी ...नक्कीच !!