Submitted by devendra gadekar on 23 October, 2013 - 04:45
माझ्या मनातले तुज कळलेच पाहिजे ..
काहीतरी असे मज सुचलेच पाहिजे .
या मैफलीस सगळ्या लावेल वेड जे
ते काळजास गाणे सुचलेच पाहिजे .
इतक्या सुखात ठेवा दररोज आसवे,
उपकार वेदनांचे फिटलेच पाहिजे .
तू एकटाच दिसतो त्या मंदिरामधे ,
तुज मायबाप देवा ,नसलेच पाहिजे .
साधी हसायची ही ना सूट घेतली
पण आयकर व्यथांचे भरलेच पाहिजे .
माझ्या कलेवराचा हेका नसेल की
जळलेच पाहिजे वा पुरलेच पाहिजे
भलत्याच सभ्यतेने दररोज वागते
जखमेस ही घराणे असलेच पाहिजे .
असशील देव तू पण ध्यानात ठेव हे
आईसमोर माझ्या झुकलेच पाहिजे.
नि:शब्द(देव)
विषय:
Groups audience:
Group content visibility:
Public - accessible to all site users
शेअर करा
माझ्या कलेवराचा हेका नसेल
माझ्या कलेवराचा हेका नसेल की
जळलेच पाहिजे वा पुरलेच पाहिजे
भलत्याच सभ्यतेने दररोज वागते
जखमेस ही घराणे असलेच पाहिजे .
विचार चांगले आहेत, गझलेचे शेर म्हणून कसे मांडायचे ह्यावर विचार व्हावा ही अपेक्षा!