घरचा नैवेद्य

Submitted by संयोजक on 9 September, 2013 - 05:34

आपल्या सर्वांचा लाडका बाप्पा घरी आला, की त्याचा पाहूणचार यथायोग्य व्हावा, यासाठी आपण सगळेच झटत असतो.. त्याच्यासाठी नैवेद्य बनवतांना तर पाककृतींच्या सुवासाबरोबरच घरात उत्साह, आनंदाचे भावही दरवळत असतात.

विविधतेने नटलेल्या आपल्या देशातल्या प्रत्येक प्रातांची भाषा, वेशभूषा जशी वेगळी, तशीच बाप्पाच्या पाहूणचाराची पद्धतही वेगळीच असते. देशातच काय, आपल्या महाराष्ट्राच्या प्रांता-प्रांतात, गावागावात, घराघरात आपण पाळत असलेल्या वैविध्यपूर्ण चालीरितीनुसार आपण बाप्पाचा पाहूणचार करतो.

तर आपल्या ह्या आपुलकीने केलेल्या नैवेद्याचे ताट मायबोलीच्या परिवारालाही दाखवाल ना? आणि त्या सोबतच आपल्या रितीरिवाजांची ओळखही सर्वांना करुन देता आली, तर ते ही बघाल ना?

तुमच्या भरघोस प्रतिसादांची, फोटोंची, अनुभवांची आणि वैविध्यपूर्ण आठवणींची वाट पहात आहोत.
269039_4316408981977_357772300_n.jpg
प्रकाशचित्र सौजन्य: उदयन

तुमचे प्रतिसाद, फोटो, ह्याच धाग्यात खाली द्या.

धन्यवाद.

संयोजक मंडळ, गणेशोत्सव २०१३ Happy

विषय: 
Group content visibility: 
Public - accessible to all site users

या आहेत माझ्या घरच्या साटोर्‍या.

आमच्याघरी गणेशचतुर्थीला ऊकडीचेच मोदक असतात. सोबत खतखते. ( ते आज उद्या करतोच )
साटोर्‍याही चालतात. यात खास म्हणजे केशर घातले आहे तसेच पाण्याचा वापर न करता, ( दूध वापरून )
केल्या आहेत.

हा प्रकार म्हणजे जरा इंटरनॅशनल झालाय. अगदी त्या पारंपारीक उखाण्यासारखा.

कणीक अंगोलाची, रवा दक्षिण आफ्रिकेतला, साखर पोर्तुगालची, केशर स्पेनचे, दूध जर्मनीचे, तूप रत्नागिरीच्या मावशीकडचे !

......कणीक अंगोलाची, रवा दक्षिण आफ्रिकेतला, साखर पोर्तुगालची, केशर स्पेनचे, दूध जर्मनीचे, तूप रत्नागिरीच्या मावशीकडचे !..
दिनेशदा मस्तच.

दिनेशदा, तुमच्या साटोर्‍या आहेत की संपल्या? आले हो मी खायला... Happy
लोला, धागा तर हलवला, आता नैवेद्याचा मोदकही इकडे हलवायला हवा ना? अजूनही तो प्रतिष्ठापनेच्या बाप्पासमोरच आहे. Happy

मस्त नैवेद्य!
साटोर्‍या, प्रीतिचं आणि प्राडीचं मोदकाचं ताट आणि दीपाचा केळीच्या पानावरचा नैवेद्य छान दिसतोय.

modak2.jpgnaivedya1.jpg

नैवेद्य बघूनच माझं पोट भरलं. किती निगुतीनं वाढलय... तितक्याच प्रेमानं रांधलं असणार. बाप्पा प्रसन्नं असल्याचं कळतचै...
जयंत, प्रेमानं ठेवली असणार तुम्ही साखर बाप्पासमोर... त्यानंही भरून पावलाय तो.

कसले सुपरडुपर मोदकम आहेत हे. माझ्या एका तमिळ कलिगने बनवले. उडीदाच्या डाळीचे सारण असलेले. कृती हवी असल्यास देईल.

modakam.JPG

Pages