मायबोलीकर अवल, म्हणजेच आरती खोपकर सादर करतेय तिने स्वतः क्रोशाने विणलेला गणपतीबाप्पा, त्याचा उंदीर आणि मोदक. सोबतच तिचा ह्या विणकामाला प्रेरणा देणारा रोचक प्रवासही तिने लेखस्वरुपात दिला आहे.
----------------------------------------------------------------------------------------------
सकल कलांचा तू अधिनायक ...गणपतीचे किती समर्पक वर्णन ! या कलांच्या अभिनायकाला त्याच्याच रुपात साकार करण्याचा हा माझा छोटासा प्रयत्न .
८ ऑगस्ट, साती बरोबर व्हॉट्सप वर गप्पा मारत होते, तेव्हा तिने प्रेमळ आज्ञा केली. "मायबोली गणेशोत्सवासाठी, गणपती कर ना क्रोशाने." बापरे, मी घाबरलेच ! हे कसं शक्य होतं. आता पर्यंत मी कधीच अशा स्वरुपाचे काही केले नव्हते. वेगळेपणा म्हणून कपबशी, बूट, हातमोजे केले होते. पण गणपती अशक्यच होता. तिला तसे सांगितल्यावर तिने थोडी सूट दिली, म्हणाली मग "मोदक कर, उंदीर कर." हे माझ्या थोड्या आवाक्यातले होते.
मग काय लगेच मिशन मोदक सुरू केले. पहिली अडचण आली ती मोदकाला उभे करण्याची. पण मध्यंतरी एक बॅग केली होती, त्याला बेस करताना एक जुनी वीण वापरली होता. कपाच्या बेस साठीही ती खूप उपयोगाला आली होती - बिस्किट वीण. तिचा वापर केला अन मग मोदक न पडता बसू लागला.
मोदकाच्या पाकळ्या उठावदार होणे ही मोदकाची खरी ओळख. त्या क्रोशात करताना मात्र सोप्या गेल्या. माझ्या ख-या मोदकापेक्षा हा क्रोशाचा मोदक जास्ती रेखीव झाला
मग त्यावर रवाळ गाईचे तूपही विणले.
हे मोदक मला तर मोदक वाटत होते पण इतरांना ते कसे वाटतात याची टेस्ट घेणे भाग होते. तशात १५ ऑगस्ट जवळच होता मग तीन रंगात मोदक केले. केशरी, पांढरा, हिरवा. पांढ-या मोदकावरती निळ्यारंगाचे तूप ओतले, आपलं विणले. अन १५ ऑगस्टला माझा तिरंगा झळकला.
माझ्या सगळ्या मित्रमैत्रिणींना हे मोदक आवडले. मला हुश्श्य झाले..
आता उंदरावर प्रयोग करायचा होता. हे जरा कौशल्याचे होते. मग नेट वर थोडी शोधाशोध केली. तसा कॉम्प्युटर अन माऊसचा फार जवळचा संबंध असल्याने नेटवर बरेच उंदीर सापडले. काही चक्क क्रोशाचेही होते. पण एकात एक आवडत होते, दुस-यात दुसरे,... असे झाले.
मग त्याचे तंत्र माहिती करून घेतले अन स्वतःच नवीन डिझाईन केले. अन विणायला घेतले. तयार उंदीरमामाच आहे जेमेतेम २ इंचाचा. त्याचे इवलुसे तोंड, कान अन डोळे करताना माझी बोटे मला फारच जाड वाटू लागली. त्यातून त्याचा डार्क तपकिरी रंग मला रात्री काम करू देईना. शेवटी १८ ऑगस्टला हा उंदीरमामा माझ्या डोक्याच्या बिळातून हाताच्या मार्गाने सुईचे टोक पकडून बाहेर पडला एकदाचा...
त्याचे लालचुटुक डोळे मलाच भूरळ घालत होते.
मोदक जमले, उंदीरमामाही तयार झाला. आता साती मागे लागली, "अजून काही कर, बाप्पा मोरया!" वंदना, अंजली, अर्चना, शोभना, निखिल सगळे म्हणू लागले "कर ग जमेल तुला गणपती." पण मला माहिती होते, हे शिवधनुष्य आहे. नीट नाही जमले तर? मांडी घातलेले पाय, वेगेवेगळ्या दिशेला असणारे हात आणि सर्वात अवघड सोंड. हे काही सोपे नव्हते. त्यातून प्रत्यक्षात मातीचा गणपती केलेला असल्याने हात, पाय, सोंड यांना आकार देणे किती क्लिष्ट आहे याची जाणीव होती. त्यातून क्रोशा हे विणकाम सहसा सरळ रेषेत- दोन डायमेंशनचे. तीन डायमेन्शन्स मध्ये क्रोशा करणे फक्त छोट्या आकारात ( Amigurumi ) केलेले नेटवर पाहिले होते. पण गणपती थोडा मोठाच करावा असा विचार होता. नेटवरही शोधाशोध केली. पण क्रोशाचा गणपती काही सापडला नाही. मग स्वतःचे डोके चालवायचे ठरवले. प्रयत्न तर करू, मग बघू, नाही जमले तर नाही करायचा. पण एक प्रयत्न करायचाच असे ठरवले.
अन मग २० ऑगस्टला श्री गणेशा केला. जे अवघड आहे ते आधी करायचे ठरवले. जर तोंड आणि सोंड जमली तरच पुढे जायचे ठरवले. तोंड करणे तसे सोपे होते. दुस-या दिवशी सोंड करायला घेतली. अन २-३ दा उसवूनही मनाजोगते वळण मिळेना. शेवटी हे आपल्या आवाक्यातले नाही म्हणून ठेऊन दिले. तिसरा दिवस उजाडला. दुपारी लेकाने विचारले, "काय ग, नुसती का बसली आहेस? कर ना गणपती." मग उठले. पुन्हा प्रयत्न केला. अन या वेळेस कोडे उलगडले. सोंड वळू लागली. सुरुवातीला थोडी जाड झाली पण मग तसेच पुढे करत गेले. शेवटही जमला. माझी मीच खुष झाले. वर बघितले तर, लेक हसून बघत होता.
मग काय अजून उत्साहाने कामाला लागले. सोंड विणतानाच हात, पाय कसे वळवायचे याचा अंदाज आला होता. हळूहळू गणपती आकार घेऊ लागला.
मग आत मध्ये थर्माकोलचे गोळे भरले.
इटुकले महिरपीच्या आकारातले कान तयार झाले.
मुकुट सजला.
हातातले, गळ्यातले अलंकार घडले.
विणलेले रेशमी उपरणे पांघरले.
रेखीव डोळे रेखले.
अन मग २१ ऑगस्ट्ला बाप्पा मस्त रेलून बसले.
मग त्यांच्या डाव्या हातावरती मोदक ठेवला.
पायाशी गुलाबाचे फूल वाहिले.
सोंडेमध्ये दुर्वा ठेवल्या.
अन मग लांब उभे राहून बघितले. अरे वा जमलाय की दोन मिनिटं मीही बघत बसले. खूप खूप आनंद झाला. लेक, नवरा दोघेही खूष झाले.
मग या कलेच्या अधिनायकचा फोटो काढून साती, सुधा, अंजली, वंदनाला पाठवले. सातीने अॅप्रुव्हल दिले.
अंजली, वंदना खूष झाल्या.
सुधाने माथ्यावरचा तिलक राहिल्याचे सुचवले. लगेच लालचुटुक गंध रेखले.
अंजलीला विचारल्यावर तिने उजव्या हाताचा अंगठा बोटांना जोडून घ्यायला सुचवले. खरच की नीट बघितल्यावर कळले, बाप्पा आशिर्वाद द्यायच्या ऐवजी मला फटका देत होता की मग तीही दुरुस्ती केली.
सातीने सुचवल्याप्रमाणे अजून ५ मोदक केले.
खाली घालायला पांढरा स्वच्छ रुमाल केला.
बाप्पांना बसायला हिरवेगार आसन केले.
मागे चक्र तयार केले.
मोदक ठेवायला छोटी गोल ताटली केली.
अन मग सातीने सुचवल्याप्रमाणे या सर्व विणकामाची नीट रचना केली अन फोटो काढले.
मध्यंतरी माझ्या एका मैत्रिणीसाठी मी क्रोशाने विणलेले लोकरीचे छोटे तबला डग्गा तयार केले होते. ते तिला दिल्यामुळे त्यांच्यासह मला गणपतीचा फोटो काढता आला नाही. पण तबल्याडग्ग्याचा फोटो माझ्याकडे होता. मग माझे फोटोशॉपचे कौशल्य वापरून ते तबला डग्गा गणपती समोर ठेवले. अन हा कलाकार गणपतीही तयार झाला.
या सर्व गोष्टी ९९.९९९ टक्के क्रोशाने अन लोकरीने केल्या आहेत. ०.००१ टक्का आहे तो भरतकामाच्या सुईचा. उजव्या हाताचा अंगठा बोटांना जोडणे अन रेशमी उपरणे खांद्यावर टाचण्यासाठी फक्त तिचा वापर केला. बाकी सर्व गोष्टी क्रोशाच्या सुईनेच केल्या आहेत.
एक गोष्ट आवर्जून सांगावीशी वाटते. माझ्या सर्व मैत्रिणी अन विद्यार्थिनी, लेक अन नवरा यांच्या प्रोत्साहनातूनच हे धाडस माझ्याच्याने केले गेले. या सर्वांच्या ऋणातच राहणे पसंत आहे मला
बाप्पा मोरया !
- अवल (आरती खोपकर)
व्वा.. खुप छान!!!
व्वा.. खुप छान!!!
केवळ अप्रतिम !!!
केवळ अप्रतिम !!!
जबरी सुंदर !!!!
जबरी सुंदर !!!!
सुंदर. डोळ्याचे पारणे फिटले
सुंदर. डोळ्याचे पारणे फिटले अगदी.
मस्त. ग्रेट.
मस्त. ग्रेट.
अवल तुसी ग्रेट हो
अवल तुसी ग्रेट हो _/\_
अप्रतिम झालय सर्व !!!
लिखाण आणि कलाकृती दोन्ही बेष्टम
खरच की नीट
बघितल्यावर कळले, बाप्पा आशिर्वाद
द्यायच्या ऐवजी मला फटका देत
होता की मग तीही दुरुस्ती केली.>>>>>
गणपती क्यूट आहे एकदम
गणपती क्यूट आहे एकदम
वॉव! फार सुरेख आहे सगळेच!
वॉव! फार सुरेख आहे सगळेच! अवल, तू ग्रेट आहेस!
काय कला आहे तुमच्या हातात!
काय कला आहे तुमच्या हातात! निव्वळ अप्रतीम! बाप्पा आणि मोदक अत्यंत सुबक झालेत. उंदीर सुपरक्यूट!
सर्वांना मनापासून खूप खूप
सर्वांना मनापासून खूप खूप धन्यवाद ! देव काका, जाई
अवल - तू प्रतिसृष्टी निर्माण
अवल - तू प्रतिसृष्टी निर्माण करु शकतेस या क्रोशाने ....
फारच अप्रतिम जमलंय हे सारं - या क्रोशाने बाप्पांना अगदी उबदार वाटत असेल
शशांक >>>बाप्पांना अगदी उबदार
शशांक >>>बाप्पांना अगदी उबदार वाटत असेल<<<
कले कलेने खुले, उमलते, कला
कले कलेने खुले, उमलते, कला म्हणावी तिला ।
कला कलाने जिच्या, प्रकटते, अमूर्त मूर्ती कला ॥
गणनायकाची मूर्ती, प्रभावळ, मुकूट, उत्तरीय, पितांबर, बस्कर, मोदक, उंदिर, तबला, डग्गा यांसह सगुण रूपात साकार झालेली कला आवडली.
ह्या कलेचे, अशाच नवनवीन अवतारांत अभिनव आविष्कार निर्माण होतील काय? होवोत.
रंग, रूप, सौष्ठवाने अपार सौंदर्य लाभून ते आनंदादायी होवोत.
तथास्तु !
अवल....गणपती बाप्पा मस्त
अवल....गणपती बाप्पा मस्त जमलाय..
लेख व कलाकृती खरोखरच अतिशय
लेख व कलाकृती खरोखरच अतिशय सुंदर तसेच प्रेरणादायक आहे. पाहून मन प्रसन्न झाले.
काय सुंदर झालंय सगळंच! ग्रेट!
काय सुंदर झालंय सगळंच! ग्रेट!
फारच सुंदर! @संयोजक. शेर्षकात
फारच सुंदर!
@संयोजक. शेर्षकात अवल यांचे नाव घालाल का? म्हणजे सूची बघताना कळेल.
तोषवी, शीर्षकात अवल यांचे नाव
तोषवी, शीर्षकात अवल यांचे नाव घातले आहे.
धन्यवाद.
वॉव! अप्रतिम !!! अवल, ग्रेट
वॉव! अप्रतिम !!! अवल, ग्रेट आहेस! _/\_
फार म्हणजे फारच सुरेख,
फार म्हणजे फारच सुरेख, अप्रतिम, वगैरे,
अवल, हॅट्स ऑफ टू यू!
नाही जमणार म्हणता म्हणता
नाही जमणार म्हणता म्हणता सगळंच सुंदर जमलंय की..
फारच सुंदर!
फारच सुंदर!
अतिशय सुंदर, अवल!!
अतिशय सुंदर, अवल!!
बाप्पाची मूर्ती, प्रभावळ,
बाप्पाची मूर्ती, प्रभावळ, मुकूट, उत्तरीय, पितांबर, बस्कर, मोदक, उंदिर, तबला, डग्गा सगळे सगळेच अप्रतिम
आणि विनकामाची रचना पण एकदम बेस्ट ! सकाळी सकाळी मस्त बाप्पांचेच दर्शन झाले मस्त अवल ग्रेट !
अवल, खुपच सुंदर आहे तुझं
अवल, खुपच सुंदर आहे तुझं क्रोशाचं वीणकाम.. हे करण्यासाठी होकार दिल्याबद्द्ल आणि इतक्या कौशल्याने आणि तत्परतेने ते पूर्ण केल्याबद्द्ल तुझे खुप खुप आभार.
अगदी सुरेख झालय सगळं. आणि तो
अगदी सुरेख झालय सगळं. आणि तो धाकधुक, जमेल की नाही असा सगळा प्रवासही उलगडून सांगितल्याब्द्दल विषेश धन्यवाद.
अवल अप्रतिम कलाकृती...
अवल अप्रतिम कलाकृती...
एकदम गोड झालेत बाप्पा, उंदीर
एकदम गोड झालेत बाप्पा, उंदीर आणि मोदक सगळेच. विणकामाचा सगळा प्रवास पण आवडला.
जबरदस्तच. गणपती बाप्पा मोरया
जबरदस्तच. गणपती बाप्पा मोरया
मस्तच एकदम !
मस्तच एकदम !
Pages