आज भेटला बाप्पा, अगदी वेगळ्या स्वरुपात . . . .

माझ्या एका मित्रानी ही कविता फेसबुक वर दिली, ती तशीच ईथे देतो आहे, आपल्या कोणाकडे असु शकेल ही आधीच, पण मला आवडली म्हणुन वाटुन घेतो आहे सर्वांबरोबर . . . .

आज भेटला बाप्पा, अगदी वेगळ्या स्वरूपात
इयरफोन लावून ऐकत होता गाणी आणि मोबाईल होता हातात

त्याचं ते रूप पाहून, मला वाटली गंमत फार
विचारावे का त्याला, मनात आला विचार

शेवटी हिय्या केला मनाचा आणि विचारून टाकला सवाल
बाप्पा तुझे हे कोणते रूप ??…ना आज पाहिले ना काल

बाप्पा गोड हसला गालात, प्रश्न माझा ऐकून
म्हणाला मी आहे विद्येची देवता,कसं चालेल मागे राहून ??

पुढे म्हणाला मला, नवनवीन तंत्रज्ञान मी हाताळतो आहे
विसरू नकोस माणसाच्या आधी मीच माऊस वापरतो आहे

ऐकून त्याचे उत्तर, झालो मी गपगार
त्याला विचारले निघालास कुठे होऊन मूषकावर स्वार

पुन्हा एकदा गोड हसला आणि म्हणाला आनंदून
check my facebook status, I am coming soon………:-)