ती बट का झुलते गालावरती? प्रश्न मला पडताना
हृदयाचा चुकलेला ठोका पायाशी घुटमळताना
दिलखेच नजर ती नकळत माझ्या नजरेसोबत भिडली
मी अजून लोकांना दिसतो नजरेला सोडवताना
.
.
माझी ही धडपड शून्यामधली तुला उमगली नाही
अन पुन्हा नव्याने प्रेमासाठी हिंमत उरली नाही
तो चुकला ठोका अजूनही मी शोधत वणवण फिरतो
तू तहान म्हण जी मृगजळवेडी शमता शमली नाही
डोक्यावर तळपे सत्यसूर्य जो रात्रीपुरता विझतो
मी शांत मनाच्या अंधाराच्या तळास जाउन निजतो
तू गंध रातराणीचा लेउन अवचित वेळी यावे
ह्या कल्पनेत मी चकोररूपी पहाटवेळी भिजतो
सारे केशर-केशर होते अन मी बघतो क्षितिजाला
आकाश केशरी बटांस पसरे त्या पहिल्या प्रहराला
तेव्हा कळते की, तुझ्याचसाठी खुद्द निसर्गच सजतो !
मग कशास तूही समजुन घ्यावे मला क्षुद्र वेड्याला ?
....रसप....
२९ डिसेंबर २०१२
http://www.ranjeetparadkar.com/2012/12/blog-post_29.html
व जितू सर मस्त कविता प्रमाचे
व जितू सर मस्त कविता
प्रमाचे महाकवी आहात!!!
मस्तच
मस्तच
वा! आवडली प्रेमकविता.
वा! आवडली प्रेमकविता.
छान !
छान !
KHUPACH CHHAN kavita aahe.
KHUPACH CHHAN kavita aahe.
मस्त!!!
मस्त!!!
सुंदर कविता...! मी अजून
सुंदर कविता...!
मी अजून लोकांना दिसतो नजरेला सोडवताना
व्वा..!
धन्यवाद !!
धन्यवाद !!