निवांत होतो घेत अढावा आयुष्याची काय कमाई
शुन्यच हाती, जीवन होते श्वासोश्वासाचीच लढाई
आत्मवृत्त मी मोठे लिहिले माराया माझीच बढाई
सत्कर्माची नोंद कराया पुरली होती एक रुबाई
स्वार्थ साधणे जरी मुळाशी आव आणती उपकाराचा
अंगरखा का शिवेल कोणी? शिंप्याला मिळण्यास शिलाई
दोष स्वतःचा कबूल करणे अवघड जाते भल्याभल्यांना
चेहर्यावरती डाग तरी का व्यर्थ दर्पणाचीच सफाई
धावपळीचे जीवन झाले, वेग जगाया हवा एवढा
गायन सरता गाण्यामधली मंद भासते शिघ्र तिहाई
एक कोपरा मला न दिसतो जिथे सुरक्षित जीवन आहे
जिथे आसरा घेण्या गेलो तिथे भेटला क्रूर कसाई
गांधीजींना कुठे विसरले! राजकारणी करती सारे
ऑक्टोबरच्या दुसर्या दिवशी फोटोसाठी सूत कताई
छू छू करता भुंकभुंकती छापे पडती घरोघरी पण
एक इशारा, शेपुट घालुन शांत, हरवते कुठे धिटाई
वारकरी "निशिकांत" असूनी जीवन जगणे अवघड झाले
तुझी सावली हवीहवीशी कृपा असू दे माय विठाई
निशिकांत देशपांडे मो.क्र. ९८९०७ ९९०२३
E Mail--nishides1944@yahoo.com
छान आहे काका ही
छान आहे काका ही गझल
साध्यासुध्या शब्दातून एखादा सच्चा खयाल तुम्ही अधिकच सुन्दर करून दाखवता... नेहमी !!
धन्यवाद काका
क्या बात है..... काका,
क्या बात है.....
काका, अप्रतिम झालीये ही गजल........
आत्मवृत्त मी मोठे लिहिले
आत्मवृत्त मी मोठे लिहिले माराया माझीच बढाई
सत्कर्माची नोंद कराया पुरली होती एक रुबाई<< वा, दुसरी ओळ मस्त
स्वार्थ साधणे जरी मुळाशी आव आणती उपकाराचा
अंगरखा का शिवेल कोणी? शिंप्याला मिळण्यास शिलाई<<< पुन्हा दुसरी ओळ मस्त
दोष स्वतःचा कबूल करणे अवघड जाते भल्याभल्यांना
चेहर्यावरती डाग तरी का व्यर्थ दर्पणाचीच सफाई<<< दुसरी ओळ पुन्हा मस्त
एक कोपरा मला न दिसतो जिथे सुरक्षित जीवन आहे
जिथे आसरा घेण्या गेलो तिथे भेटला क्रूर कसाई<< वा वा
गझल एकंदर छानच
एक कोपरा मला न दिसतो जिथे
एक कोपरा मला न दिसतो जिथे सुरक्षित जीवन आहे
जिथे आसरा घेण्या गेलो तिथे भेटला क्रूर कसाई..
बढीया...
सुंदर गझल..
बढिया !!
बढिया !!
सुंदर!!
सुंदर!!