मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सतीश देवपूरकर on 26 October, 2012 - 22:42
गझल
राग ना माझा कुणावर, मी जगावर प्रेम केले!
जा! तुलाही माफ केले, मी तुझ्यावर प्रेम केले!!
भेटला जो जो मला, मी त्यास कवटाळीत गेलो;
जात माझी माणसाची, माणसावर प्रेम केले!
पायथ्याच्या पायवाटा उंच शिखरांना म्हणाल्या.....
ह्या इथे राहून आम्ही पर्वतावर प्रेम केले!
त्यामुळे हृदयात माझ्या लागले दिव्यत्व तेवू;
मी प्रकाशाचा पुजारी, पण तमावर प्रेम केले!
तू दिलेल्या त्या उन्हाला चांदण्याचा गंध होता;
वेचताना चांदणे ते मी उन्हावर प्रेम केले!
हे खरे आहे तुझ्याशी भांडलो कित्येकदा मी;
जीवना! हेही खरे की, मी तुझ्यावर प्रेम केले!
...........प्रा.सतीश देवपूरकर
भूशास्त्र व खनिगतेलतंत्रज्ञान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
विषय:
Groups audience:
Group content visibility:
Public - accessible to all site users
शेअर करा
एकूण एक शेर खूप आवडले. फारच
एकूण एक शेर खूप आवडले. फारच छान!
अजयजी, धन्यवाद
अजयजी, धन्यवाद प्रतिसादाबद्दल!
असाच लोभ असू द्या!
हे खरे आहे तुझ्याशी भांडलो
हे खरे आहे तुझ्याशी भांडलो कित्येकदा मी;
जीवना! हेही खरे की, मी तुझ्यावर प्रेम केले!
<<<
छान
छान गझल सर
छान गझल सर