शल्य ना दुर्लक्षिल्याचे...

Submitted by सुप्रिया जाधव. on 8 October, 2012 - 11:44

प्रश्न ना दुर्लक्षिल्याचा...
राग येतो ठेचल्याचा !

रक्त गोठू दे हवेतर..
त्रास होतो पेटल्याचा !

दु:ख होते, दु:ख आहे
दे पुरावा सोसल्याचा !

तू असा पाहू नको ना...
भास होतो संपल्याचा !

कोण पश्चाताप होतो !
जन्म सारा रेटल्याचा

मांडला अन मोडलाही...
खेळ झाला भोंडल्याचा !

हारल्यावरती समजते...
गर्व नडतो जिंकल्याचा !

गझल साक्षात्कार आहे
जीवनाला भेटल्याचा !

-सुप्रिया.

Group content visibility: 
Public - accessible to all site users

आई गं SS
काय गझल लिहिलीत सुप्रिया तै!!

बिन मतल्याचीय का ?....असो फरक पडत नाहीच म्हणा !!
Happy

प्रश्न ना दुर्लक्षिल्याचा...
राग येतो ठेचल्याचा!

मी हा शेर लिहिताना दुर्लक्षिल्याचा आणि ठेचल्याचा यांच्या जागेची आलटापालट नक्की केली असती.. Happy

योगुली , अनिल तापकीर ,पुरंदरे शशांक

आनंदयात्रीजी ,

पण माझा अनुभव वेगळा आहे Happy

मनःपुर्वक धन्यवाद मंडळी.

-सुप्रिया.

तू असा पाहू नको ना...
भास होतो संपल्याचा !

कोण पश्चाताप होतो !
जन्म सारा रेटल्याचा

छान शेर!

प्राजु ,
बेफिकीरजी,
बिनधास्त,
ज्ञानेशजी, (विशेष)
विदिपाजी

धन्यवाद मंडळी.

-सुप्रिया.

रक्त गोठू दे हवेतर..
त्रास होतो पेटल्याचा !

तू असा पाहू नको ना...
भास होतो संपल्याचा !

मांडला अन मोडलाही...
खेळ झाला भोंडल्याचा !

गझल साक्षात्कार आहे
जीवनाला भेटल्याचा !

>>>>>>>>>>>>>>

हे शेर आवडले !

तुम्ही तुमच्या मनातले बोलता अन कवि त्याच्या...>>>>>>>>>>>>एक्सॅक्टली सुप्रियातै ,

ग्रेट वाक्य!!(टोला!!;) ).................
...ख्रिस गेल स्टाईल् !! एकदम १२ रन बहाल या फटक्याला !!
देवसरान्चा " दूसरा" चेन्डू (देवसरान्सकट....)एकदम ग्राऊण्डच्या बाहेरच अगदी!!

Lol Lol Lol

सुप्रियाजी, वैभवा!
दुस-यांच्या मनातील बोलता वा लिहिता येत नसेल तर तो कविच कसला?
तो तर फक्त आपल्याच सुखदु:खांना कुरवाळणारा एक सामान्य मनुष्यप्राणीच!
‘परकायाप्रवेश’ हा तर अस्सल कलाकाराचा एक प्रमुख गुणविशेष आहे,. असे जाणकार मानतात!
बाकी आमचे भूषणराव म्हणतात तेच खरे. याला म्हणतात काव्य व याला म्हणतात कवी/गझलकार!
ते म्हणतात..................

क्षूद्र संवेदनांचे उदातीकरण!
का न यावे मराठी गझलला मरण!!

Hats off to बेफिकीरजी!

वैभवा! ही गझल हुडकून, डोळेफाडून वाच! बघ काही प्रकाश पडतो का डोक्यात ते!
थोडेसे आपल्या पायावर उभे रहायला व बिनकुबड्यांचे देखिल चालायला लाग!
किती दिवस आम्ही तरी वाट बघायची तुझ्या तंदुरुस्तीची!
...............प्रा.सतीश देवपूरकर
.............................................................................................

तू असा पाहू नको ना...
भास होतो संपल्याचा !

हारल्यावरती समजते...
गर्व नडतो जिंकल्याचा !

>>>>>ंखुप मस्त !!!!
Happy