वर्तुळ

Submitted by हर्ट on 23 August, 2012 - 07:01

वर्तुळ

माझ्याभोवती माझ्या
नैसर्गिक मर्यादांचं
कुंपण वेढलेलं आहे
त्यापलिकडे
मला माझं आकाश
विंधायचं आहे
नव्या चंद्रांना शोधायचं आहे!

माझ्या
सिमित ... पर्याप्त
स्वकेंद्रीय वर्तुळात
गुरफटून
माझा अभिमन्यू झाला आहे
ठरलेल्या चाकोरीच्या
आत आत घुटमळणारा
श्वास नकोसा झाला आहे!

माझ्या अस्थिर जिवाची
अविरत अथक धडपड
सुरु असतानाच
'हे विश्वची माझे घर'
असे मला आकळते
आणि ओंजळभर चंद्र
वार्‍यावर भिरकावून
फक्त एक
स्थिर बिंदु
होऊन जावेसे वाटते आहे...

- बी

विषय:

काव्यलेखन

Groups audience:

गुलमोहर - कविता

Group content visibility:

Public - accessible to all site users

शेअर करा