Submitted by सतीश देवपूरकर on 6 August, 2012 - 11:54
गझल
काळ नाही, वेळ नाही, वाट नुसती पाहतो!
मी अहोरात्री तुझ्या स्मरणात नुसता तेवतो!!
माझिया वाट्यास कोणी जात नाही शक्यतो;
मी फुलांच्या भोवती काट्यांप्रमाणे राहतो!
आग शेजारी तरीही लोक सारे थंड का?
दूर रानातील वणवा काळजाला पोळतो!
आसवे ढाळायलाही वाचले नाही कुणी;
कोण जाणे, कोण भरपाई कशाची मागतो?
फोडला टाहो न साधा हुंदका सुद्धा दिला;
हे मला ठाऊक की, मी काय आहे सोसतो!
आजही प्रत्येक घटना आठवे घडली कशी;
जीवनाचा आजही आलेख मी रेखाटतो!
जाहली पडझड कितीदा, भंगली स्वप्ने तरी;
रोज स्वप्नांचे नवे प्रासाद आता बांधतो!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
विषय:
Groups audience:
Group content visibility:
Public - accessible to all site users
शेअर करा
लई भारी... धन्यवाद ...
लई भारी... धन्यवाद ... कालगंगा झिंदाबाद.
सर ..आपली ही गझल नेहमीप्रमाणे
सर ..आपली ही गझल नेहमीप्रमाणे खासच आवडली. परंतू एक प्रश्न - काफियाची आलामत संभाळली गेली नाही, त्याचे काय? की असे एखाद्या प्रकारच्या गझलेत चालते?
ही एक गैरमुरद्दफ गझल आहे.
ही एक गैरमुरद्दफ गझल आहे. म्हणजे फक्त काफिये आहेत. रदीफ नाही.
काफियातली अलामत इथे अकारान्ती आहे, जी सर्व शेरांत पाळली गेलेली आहे.
झाली..
झाली.. http://www.maayboli.com/node/36972
अ प्र ती म ग झ
अ प्र ती म ग झ ल
अप्रतीम
व्वा व्वा
धन्यवाद भूषणराव! आपल्या
धन्यवाद भूषणराव! आपल्या प्रतिसादाबद्दल!
आपली नवीन गझल आली नाही अजून?
आसवे ढाळायलाही वाचले नाही
आसवे ढाळायलाही वाचले नाही कुणी;
कोण जाणे, कोण भरपाई कशाची मागतो?
चांगला शेर
माझिया वाट्यास कोणी जात नाही
माझिया वाट्यास कोणी जात नाही शक्यतो;
मी फुलांच्या भोवती काट्यांप्रमाणे राहतो!>> वा!
खूप मस्त देवसर सर्वच्यासर्व
खूप मस्त देवसर
सर्वच्यासर्व शेर आवडले