बंडलावर बंडले

मुळ गझल http://www.maayboli.com/node/34583
(इच्छा असल्यास) पहा. गझलकाराची 'कणभर'ही क्षमा अर्थातच मागितलेली नाही.

प्यायलो ताडी तसे उठले किडे रक्तातले
आपल्या गोठ्यात जावे हेच आता चांगले

फ़ार मोठी झेप हल्ली सोसते कोठे मला
पचवली पुर्वी कितीदा बंडलावर बंडले

का अघोरी एवढी 'कर्तव्य' ही संकल्पना
या महागाईस भिडता श्वास सारे कुंथले

आज बाटे चोखण्याचा प्रश्न कोठे राहिला
जे बजेटी बसवलेले तेच आंबे नासले

मंदिरी का होइना सांभाळ तू बडवेपणा
जेवु दे मासे चिकन, पुरवू जिभेचे चोचले