Submitted by पाषाणभेद on 23 April, 2012 - 20:58
दुष्काळाच्या झळा
दुष्काळाच्या झळा लागूनी जळाला शेतमळा
पाण्यासाठी टाहो पोडूनी सुकला ओला गळा
डाळींबाचे होवूनी हाल द्राक्षबाग ती उखडली
गहू होणे दुरच होते मान मोडून बाजरी पडली
कुठून आणावे पाणी विहीर तर सुकली
बांधावरची जुनी बाभूळ आताशा वठली
कोरड्या मातीमध्ये कसे कसावे पाण्यावाचून
पान्हा फुटेना आईला अर्भक रडते ओरडून
दुर दिशेला चुकार ढग आस दाखवी
तेथे जावे वाटतसे पण सोडवेना भुई
कसे जगावे कळेना कसे जगवावे न उमजेना
दुष्काळाने मन कोरडे पण पाणी येई डोळा
पुर्वप्रकाशित
- पाषाणभेद
गुलमोहर:
शेअर करा
घोर संकटाची व्यथा पण.... दुर
घोर संकटाची व्यथा पण....
दुर दिशेला चुकार ढग आस दाखवी
तेथे जावे वाटतसे पण सोडवेना भुई
दुर्दम्य आशावाद.
दुष्काळाच्या झळा ओळि ओळित
दुष्काळाच्या झळा ओळि ओळित जाणवल्यात तसेच दुर्दम्य आशावाद.पण मनोमन वाट्ला
खुपच छान कविता
खुपच छान कविता
<<बांधावरची जुनी बाभूळ आताशा
<<बांधावरची जुनी बाभूळ आताशा वठली>> सुरेख.