माटटूपेट्टी डॅम.. जिल्हा इड्डूकी.. या परिसराची ओळख करुन द्यायची झाली तर केरळमधील मुन्नारपासून अंदाजे १३ किमी अंतरावर.. १७०० मी. उंचीवर असलेले.. हिरव्यागार डोंगरांनी वेढलेले... 'शोला' फॉरेस्टच्या कुशीत असलेले.. निसर्गसौंदर्य अनुभवण्याचे एक उत्तम ठिकाण... याचपुढे काही अंतरावर इको पॉईंटसुद्धा आहे.. इथेही तुम्हाला डोंगरकाठचा जलाशय ही चीज काय असते ते अनुभवता येइल..
'माटटूपेट्टी डॅम' ची ख्याती तशी बरीच.. डॅम म्हटले की धरणातून सोडण्यात येणारे पाणी व त्यानुसार केली जाणारी वीजनिर्मिती हे नेहमीचेच.. पण याव्यतिरिक्त सांगायचे तर इथे असलेले 'इंडो स्वीस लाईव स्टॉक प्रोजेक्ट'.. (याबाबतीत मला नंतर कळले.. त्यामुळे काही बघता नाही आले.. कोणी गेले तर जरुर ते हुडकून काढा.. नि फोटो धाडा )..
मुन्नारमध्ये दिवसाची सुरवात अश्या काही दृश्याने होतच असते..
प्रचि १:
मुन्नारपासून मेटटापुट्टी डॅम परिसरात येतानाचा रस्ता एकदम मस्त.. ऐकू येणारी पक्ष्यांची गुंज... उंचच उंच झाडीच्या जंगला-जंगलातून जाणारा..अधुनमधूनच सुर्याची थेट नजरभेट करणारा... तर कधी चहाच्या शेतीने नटलेल्या हिरव्यागार डोंगरांचे सौंदर्य घडवणारा.. त्यामुळे हा १३ किमीचा प्रवास खूपच सुखावह ठरतो..
प्रचि २:
आमची 'मुन्नार' भ्रमंती सुरु होती ती ऑफसीजन मध्ये.. 'फेब्रु ते मार्च'.. पण इथे पोहोचलो तेव्हा परिसर गर्दीने फुलला होता.. गर्दी कोणाची तर आमच्यासारख्याच हनिमुनर्स लोकांची.. नि तात्काळ फोटो प्रिंटसकट काढून देतो म्हणत मागे लागणार्या फोटोग्राफर्संची..! सुरवतीला एका बाजूस खादाडी नि सटरफटर वस्तुंचे नेहमीचेच स्टॉल्स दिसतात.. पण हे सगळे सोडून डॅमवर न जाता थोडे बाजूला गेलो जिथे पाण्याचा काठ अगदी जवळ आहे.. शिवाय सावली देण्यासाठी काठावरची झाडे.. इथूनच लक्ष गेले ते समोर असलेल्या नैसर्गिक सौंदर्यावर.. लांबच्या लांब पसरलेला जलाशय.. त्याची राखण करणारे व गगनास भिडतील असे डोंगर नि यांच्याशी झटापटी करणारे पांढरे शुभ्र ढग.. एकदम मस्त..
प्रचि ३:
- -
प्रचि ४ :
- -
प्रचि ५:
इथे स्वतःचे फोटो काढून घेण्यासाठी बरेच चांगले स्पॉट आहेत.. जशे काठावर उन्मळून पडलेले वृक्ष..
प्रचि ६:
इथेच नवविवाहीत जोडयांचे - कपललोकांचे फोटो तेथील फिरते फोटोग्राफर काढत होते.. जल्ला अशी पोझ द्या तशी पोझ द्या.. आमचे मात्र समोरील जलाशयाचे सौंदर्य टिपणेच चालू होते.. त्यातल्या त्यात एकेरी फोटो काढले.. मग मला सभोवताली चालू असलेल्या इतरांच्या कंटाळवाण्या पोझेस बघून राहवले नाही.. सौं रॉक्स कडे कॅम दिला नि बाकीचे काय म्हणतील हा विचार न करता सरळ कठडयावर उभे राहून एक कसाबसा उडी फोटो काढून घेतला.. अर्थात ट्रेकमार्क उडी जमली नाही..
प्रचि ७:
डॅमचा रस्ता सुरु होण्यापुर्वी सटरफटर खाणे विकणारी बरीच स्टॉल्स आहेत.. पण विशेष घेण्यासारखे काही दिसले नाही.. (खरेदीवर ताबा ठेवण्याचे प्रमुख अस्त्र 'घेण्यासारखे काही विशेष नाही' )
इथे डॅमवर पर्यटकांची गर्दी असल्याने गाडी पार्कींगसाठी डॅमवरूनच सरळ पुढे जाउन काही अंतरावर रस्त्याच्या कडेला एक रांग दिसते.. डॅमवरचा पुर्ण रस्ता चालुन गेले असता पुन्हा खादाडीचे व शोभवंत वस्तूंचे स्टॉल्स सुरु होतात.. इथले नारळ पाणी जरुर प्यावे.. मस्तपैंकी गारेगार ! बाकी लाकडी वस्तूंचे स्टॉल्स बघून लगेच सावंतवाडीच्या मार्केटची आठवण येते.. इथे आम्ही घेतले फक्त होममेड चॉकलेट्स.. ! तिथूनच मग पुढचा रस्ता धरला जो इको पॉईंटवर जातो.. जर या माटटूपेट्टी डॅमच्या पाण्यात बोटींग करायची असेल तर या रस्त्याच्या सुरवातीलाच The District Tourism Promotion Council (DTPC) ने तशी व्यवस्था करून दिली आहे.. पण आमचा पुढचा दिवस हाउसबोट असल्याने इथे काहीच इंटरेस्ट वाटत नव्हता.. !
मेटटापुट्टी डॅमवरुन इको पॉईंटसाठी निघालो तेव्हा एक अशी जागा दिसली जिथून सुंदर नजारा दिसत होता..
प्रचि ८:
- -
इको पॉईंट आला की स्टॉल्सच्या रांगा सुरु होतात.. इथे काहींच्यामते बघण्यासारखे काही नाही.. काठावर उभे राहायचे नि जोरात साद घालायची.. लगेच समोरच्या जंगलमय डोंगररांगातून प्रतिध्वनी उमटतो.. आपणास ऐकू येतो खरा पण पर्यटकांची गर्दी कमी असेल तर तो शांततेत अनुभवताना परिणाम अधिक जाणवेल.. पण मला हा परिसर खूप आवडला.. तासनतास बसून रहायला आवडेल अशी जागा.. फक्त नको ती गर्दी नि नको ते स्टॉल्स.. ! लांबच्या लांब शोला फॉरेस्टने पांघरलेला जलाशयाचा एक काठ.. दुरवर दिसणारे नेहमीचे डोंगर.. नि बघत रहावा असा उनसावलीचा खेळ !
प्रचि ९: प्रतिध्वनी उमटवणारे समोरील डोंगर
प्रचि १०:
प्रचि ११:
प्रचि १२:
प्रचि १३: इथे पेडल-बोटींगसुद्धा करु शकतो..
प्रचि १४:
प्रचि १५:
प्रचि १६:
शेवटी कुठे नाही तर इथे आम्ही दोघांचा एकत्र असे फोटो काढून घेतले.. इथेपण फिरते फोटोग्राफर असतातच.. त्यांच्यापैंकी एकाकडून तात्काळ फोटो काढून घेतला (भाडे रु.२०/-) नि मग त्याच्याकडे माझा कॅम दिला नि १०-१५ फोटो मस्तपैंकी काढून घेतले.. इथे एक विक्रेता १० रुपयाला बोरांच्या आकाराची स्ट्रॉबेरी विकत होता.. घरच्या शेतीची आहेत असे म्हटल्यावर विकत घेतले.. खरच चवीला खूप गोड ! तिथेच एका स्टॉलवर चुलीवरची मॅगी व पॅशन फ्रुट नावाचे फळ खाउन माघारी फिरलो.. निघताना वातावरण खूपच ढगाळ झाले.. इथे पावसाचा काही नेम नसतो.. त्यामुळे पावसाचे आगमन होण्याआधी आम्ही परतीचा रस्ता धरला..
प्रचि १७:
क्रमश :
(आगामी : केरळा हॉर्टीकल्चर गार्डन)
भाग १ : मुन्नार
http://www.maayboli.com/node/32878
मि पहिला मस्त आहेत प्रचि
मि पहिला
मस्त आहेत प्रचि
हे फोटो भारतातीलच आहेत याचा
हे फोटो भारतातीलच आहेत याचा अभिमान. हॅटस ऑफ टु फोटोग्राफर.
निळाई मस्त टिपलियेस.
मस्त टिपले आहेस. अगदी
मस्त टिपले आहेस. अगदी प्रतिध्वनि ऐकू येतोय !!
८ नं फोटो मस्तच. अर्थात
८ नं फोटो मस्तच.
अर्थात ट्रेकमार्क उडी जमली नाही>>
ती मारणे आता हळुहळु जमणार नाही.
कसलं आकाश मिळालंय
कसलं आकाश मिळालंय रे!!!!
मस्तच फोटो सगळेच
शॉल्लिड शॉल्लिड!! योग्या पण
शॉल्लिड शॉल्लिड!!
योग्या पण एकच उडी दिसतेय आता सौ रॉक्सच्या उडीचा फोटो पण पाहिजेच
मे भी गयी थी इधर मस्त फोटो
मे भी गयी थी इधर
मस्त फोटो
योगेश, मस्तच... सगळे फोटो
योगेश, मस्तच... सगळे फोटो खुपच भारी आलेत... आवडले..
योग्या लग्ना नंतर उडी थोडी
योग्या लग्ना नंतर उडी थोडी चेंज झालीय वाटतं..
मस्त जागा आहे. फोटो सहीच
मस्त जागा आहे. फोटो सहीच आलेत. पहिला वेगळा वाटला म्हणून जास्त आवडला. साधारणपणे विजेच्या तारा फोटोला गालबोट लावतात. यात मात्र त्या न खटकता फोटोला अर्थ पण देताहेत
सही रे... हे फोटोज् पाहुन
सही रे...
हे फोटोज् पाहुन जुन्या आठवणी जाग्या झाल्या...
हे फोटोज् पाहुन जुन्या आठवणी
हे फोटोज् पाहुन जुन्या आठवणी जाग्या झाल्या...<<
यो मस्तच फोटो, मागच्या मालिकेत उडीचा फोटो नव्हता
मस्त! देखणे प्रचि
मस्त! देखणे प्रचि
वा मस्त आहेत फोटो ! अभिनंदन
वा मस्त आहेत फोटो !
अभिनंदन बायदवे
वॉव, अप्रतिम!
वॉव, अप्रतिम!
<<<हे फोटोज् पाहुन जुन्या
<<<हे फोटोज् पाहुन जुन्या आठवणी जाग्या झाल्या...>>> अगदी...
सर्वच फोटो सुंदर आलेत...निळ्या आणि हिरव्या रंगाची सुखद उधळण आहे....
इथला निसर्ग वेड लावणारा आहे, अगदी पुन्हा पुन्हा जावंसं वाटावं असाच नजारा आहे सगळा.... ऋतु कुठलाही असो...
आमची ट्रीप भर पावसातली होती...सगळीकडे धुंद्-कुंद
रहावत नाही म्हणून एक फोटो डकवते... प्रचि ३ मधिल स्पॉट पावसाळ्यात हा असा दिसतो...
लै भारी!!!
लै भारी!!!
वा मस्त फोटो रे, यो
वा मस्त फोटो रे, यो रॉक्स.
मजा आली फोटो. क्रमशः बघून बरे वाट्ले. आणखी येवू दे राव.
मस्त!
मस्त!
शीनशिनेरीचे फोटो मस्त आहेत
शीनशिनेरीचे फोटो मस्त आहेत
कचकचीत, एकेक फ्रेम दृष्ट
कचकचीत, एकेक फ्रेम दृष्ट लागण्यासारखी आहे...काय निसर्गसौंदर्य आहे...केवळ जबराट....
मस्त, काय सही जागा आहे
मस्त, काय सही जागा आहे
धन्यवाद आमची ट्रीप भर
धन्यवाद
आमची ट्रीप भर पावसातली होती...सगळीकडे धुंद्-कुंद >> कल्पना केली तरी आयडीया येते.. खरच वेगवेगळ्या ऋतूत जाउन अनुभवायाला हवे.. बाकी फोटो मस्तच !
कल्पना केली तरी आयडीया येते..
कल्पना केली तरी आयडीया येते.. खरच वेगवेगळ्या ऋतूत जाउन अनुभवायाला हवे..
>>>>>>>>>>>>>>>>>>>>>
रोका किसने है दोस्त येत्या पावसात सेकंड हनिमून करून याच
(फक्त फोटो न विसरता काढा )
जल्ला तिकडच संसार थाटावा
जल्ला तिकडच संसार थाटावा म्हणतोय !
जल्ला तिकडच संसार थाटावा
जल्ला तिकडच संसार थाटावा म्हणतोय !>>>>:हहगलो:
ब्येस्ट रे
ब्येस्ट रे यो.........
आम्हाला फोटो बघण्यापेक्षा तुझ्या घरी येऊन राहता येईल..... वरती तुझा पाहुणचार पण घरगुती जेवण... अहाहा आम्ही पण उड्या मारू.
... तू फोटो काढून टाक इथे
मस्त आलेत फोटो!
मस्त आलेत फोटो!
मस्त रे यो फोटु भारीच...
मस्त रे यो
फोटु भारीच...
मस्त रे
मस्त रे
Pages