स्वित्झर्लंड.

दोन आठवड्यांपूर्वी मी आणि आई स्वित्झर्लंड ला गेलो होतो. दोन गोष्टी जाणीवपूर्वक केल्या: एक तर ऑक्टोबर च्या तिसर्‍या आठवड्यात गेलो, आणि अतिप्रसिद्ध जागा टाळून छोट्या गावांमधे राहिलो. त्यामुळे fall colours बघायला मिळाले, आणि अतिशय रमणीय, शांत अश्या ठिकाणी निसर्गाचा मनसोक्त आनंद मिळाला. तिथले काही फोटो आणि थोडीफार माहिती टाकत आहे..

आधी गेलो ते "Montreux" ला. हे एक छोटसं आणि सुंदर शहर आहे, Lake Geneva च्या पूर्व किनार्‍यावर. खालच्या फोटोत दिसतोय तो फ्रेंच मधे "qais des fleures" अर्थात फुलांचा रस्ता. ह्याचे बरेच फोटो काढलेत, झलक म्हणून दोन इथे टाकतेयः

हॉटेल च्या खोलीतून दिसणारा lake geneva.

हा आहे Montreux चा प्रसिद्ध किल्ला "Château de Chillon".

१००० वर्षे जुना आहे हा किल्ला. ते डावीकडे कोपर्‍यात दिसतंय (खालच्या चित्रात) ते एक स्मारक आहे. पूर्वीच्या काळी लोकांना चेटूक करण्याच्या आरोपाखाली जाळून वगैरे मारलं गेलं, त्यांचं स्मारक!

सूर्यास्तानंतर तळ्याकाठी

एक सकाळ मस्त सूर्यप्रकाशात ...

आणि दुसर्‍याच दिवशी..

सकाळची वेळ, समोर सुंदर तलाव, शेजारी आल्प्स चे पर्वत, आणि ही पक्ष्यांची रांग. ते बगळे नसावेत, पण त्यांना बघून "बगळ्यांची माळफुले" नक्की आठवलं.

Montreux नंतर आम्ही Brienz ला गेलो. जाताना वाटेत ट्रेन मधून दिसलेलं दृष्यः

Brienz हे Interlaken पासून ट्रेनने २० मि. च्या अंतरावर आहे. Montreux वरुन आम्ही ४ ट्रेन करुन, सगळ्या सामानासकट अगदी आरामात पोचलो. प्रवासाचा शीण सुद्धा जाणवला नाही. Brienz सुद्धा आम्ही अगदी तळ्यासमोरच्या हॉटेल मधे ३ दिवस राहिलो. आम्ही पोचलो त्याच दिवशी प्रचंड पाऊस पडला.

आणि त्या दिवशी पूर्ण काळे असणारे आल्प्स चे डोंगर दुसर्‍या दिवशी सकाळी असे दिसू लागले -

सूर्यप्रकाशात चमकणारा तलाव

हे गुबगुबीत मांजर आमच्या खोलीत शिरण्याचा पुरेपूर प्रयत्न करत होतं. पण.. माझ्या आईने ते सगळे प्रयत्न हाणून पाडले.

Brienz च्या जवळ एक "Ballenberg open air museum" म्हणून आहे. तिथे जातानाचा रस्ता म्हणजे .. डोंगरातून वळणं वळणं घेत जाणारा आणि दोन्ही बाजूला नुसती रंगांची उधळण. पण बसच्या काचेतून नीट फोटो येत नव्हते.

ते museum तर अप्रतिम होतं. स्वित्झर्लंड मधल्या ५०० - ६०० वर्षे किंवा त्याहूनही जुन्या इमारती ह्या लोकांनी उचलून आणल्या आणि इथे पुन्हा पहिल्यासारख्या उभारल्या. शेतकर्‍यांची घरं, त्यांची अवजारं, प्राणी, धान्यं, cheese ठेवण्याच्या खोल्या आणि बरंच काही - सगळं व्यवस्थित जतन करून ठेवलंय. अवाढव्य परिसर, स्वच्छ सुंदर मोकळी हवा, चहूबाजूनी रंगीबेरंगी झाडं आणि त्यांच्या पलिकडे बर्फानं झाकलेले पर्वत. वेडच लागायची वेळ होती. तिथले काही फोटो:

Lake Brienz भोवती फेरफटका.

Brienz हे गाव लाकडाच्या कोरीवकामासाठी प्रसिद्ध आहे. त्यामुळे बर्‍याच ठिकाणी असे लाकडाचे पुतळे दिसतात.

Brienz गावातला Brunngasse नावाचा एक प्रसिद्ध रस्ता. इथे १४ व्या शतकातली लाकडाची घरं आहेत आणि लोकं त्यात अजून राहतात.

नंतर Brienz ते Zurich च्या ट्रेन प्रवासातले काही फोटो:

शेवटच्या दिवशी झुरिक एअरपोर्ट जवळच्या हॉटेल शेजारी असलेली लाल-पिवळी झाडं पाहून भारतात परतलो.