चिकन मोगलाई

१. हिरवी मिरची , १० लसूण पाकळ्या आणि अर्धा चमचा आले ह्याची पेस्ट करावी .

२. गरम मसाला पूड , थोडे मीठ , हळद , दही , लाल मिरची पूड एकत्र कालवून चिकनला लावून १/२ तासभर मुरत ठेवावे .

३. तवा गरम करून त्यावर लवंगा , मिरे , दालचिनी , वेलची , जिरे , धने , बदाम भाजून त्यात उरलेलं आलं आणि लसूण घालून पेस्ट करून घ्यावी .

४. पातेल्यात थोडे तेल तापवून बारीक चिरलेला कांदा परतून घ्यावा .

५. कांदा काढून घेऊन त्यातच चिकनचे तुकडे मॅरिनेशनसकट परतून घेऊन काढून ठेवावेत .

६. त्याच तेलात वाटलेला मसाला परतावा . मग त्यात टोमॅटोचा रस ( मी प्युरी वापरते ) , मीठ घालून ढवळावे . आता परतलेलं चिकन घालून , थोडं पाणी गरम करून , साखर ( होय साखरच ) आणि कॉर्नफ्लोअर घालून शिजवावे .

७. चिकन शिजले की कोथिंबीर घालून सर्व्ह करावे .

८. तंदूरी रोटी किंवा बटर नान बरोबर हे चिकन अफलातून लागते .